جی این این کے مطابق قومی ادارہ صحت (این آئی ایچ) کی جانب سے جاری کردہ اعداد و شمار کے مطابق گزشتہ 24 گھنٹوں کے دوران ملک بھر میں 406 کورونا کیسز رپورٹ ہوئے ہیں۔

واضح رہے کہ گزشتہ روز پورے ملک میں کورونا کے 435 کیسز رپورٹ ہوئے تھے جو کہ 22 مارچ کے بعد سبے زیادہ مثبت کیسز تھے۔

این آئی ایچ کے مطابق گزشتہ 24 گھنٹوں کے دوران 14 ہزار 437 کورونا ٹیسٹس کیے گئے جن میں مثبت شرح 2.81 فیصد ریکارڈ کی گئی۔ کورونا متاثرین میں سے دو افراد کی اموات بھی ریکارڈ کی گئی ہیں۔

اعداد و شمار کے حوالے سے بتایا گیا ہے کہ کورونا متاثرین میں سے 94 مریضوں کی حالت انتہائی تشویشناک قرار دی گئی ہے جب کہ گزشتہ روز ایسے مریضوں کی تعداد 87 تھی۔

این آئی ایچ کی جانب سے جاری کردہ اعداد و شمار کے مطابق کراچی میں کورونا متاثرین کی شرح 21.71 فیصد ریکارڈ ہوئی ہے جب کہ مردان 8.77 فیصد کے ساتھ دوسرے اور 8.51 فیصد کے ساتھ حیدرآباد تیسرے نمبر پر رہا ہے۔

وفاقی دارالحکومت اسلام آباد میں کورونا مثبت کیسز کی شرح 3.45 فیصد اور پشاور میں مثبت کیسز کی شرح 3 فیصد ریکارڈ کی گئی ہے۔

تفصیلات کے مطابق وزیراعظم شہباز شریف نے آرمی چیف جنرل قمر باجوہ کو سعودی عرب کی جانب سے کنگ عبدالعزیز میڈل نوازے جانے پر مبارک باد دی ہے۔

سماجی رابطے کی ویب سائیٹ ٹوئیٹر پر جاری پیغام میں وزیر اعظم شہباز شریف نے آرمی چف کو ملنے والے ایوارڈ کو عوام اور مسلح افواج کے لیے بہت بڑا اعزاز قرار دیا۔

انہوں نے اپنے ٹوئیٹ میں کہا کہ ہم سعودی عرب کی سلامتی کو پاکستان کی سلامتی تصور کرتے ہیں اور دو طرفہ تعلقات مزید مضبوط بنانے کے عزم کا اعادہ کرتے ہیں۔

We consider the security of Saudi Arabia as our own and are completely resolved to further cementing our multifaceted bilateral relationship including excellent defence cooperation. https://t.co/YqGz6Im673

— Shehbaz Sharif (@CMShehbaz) June 26, 2022

واضح رہے کہ آرمی چیف جنرل قمر جاوید باجوہ نے سعودی عرب کا دورہ کیا جس میں ولی عہد محمد بن سلمان نے انہیں مملکت کے بانی کے نام سے منسوب کنگ عبدالعزیز میڈل سے نوازا۔

ولی عہد شہزادہ محمد بن سلمان نے آرمی چیف جنرل قمر جاوید باجوہ سے جدہ میں ملاقات کی جس میں باہمی تعلقات اور عسکری شعبوں میں تعاون کے فروغ کا جائزہ اور مشترکہ دلچسپی کے امور پر تبادلہ خیال کیا گیا۔

عرب میڈیا کے مطابق سعودی ولی عہد نے شاہ سلمان کے حکم کی تعمیل میں سعودی عرب اور پاکستان کے تعلقات کو مضبوط اور ترقی دینے میں جنرل باجوہ کی نمایاں کوششوں کو سراہتے ہوئے انہیں کنگ عبدالعزیز میڈل آف ایکسیلنٹ کلاس سے نوازا گیا۔

ملاقات میں سعودی نائب وزیر دفاع شہزادہ خالد بن سلمان، مملکت کے چیف آف جنرل اسٹاف جنرل فیاض الرویلی بھی موجود تھے۔

تفصیلات کے مطابق ایم کیو ایم پاکستان نے سکھر، میرپور خاص اور نواب شاہ میں الیکشن رکوانے کا مطالبہ کرتے ہوئے کہا کہ اس وقت 14 اضلاع میں دھاندلی کا بازار گرم ہے۔

انہوں نے کہا کہ آصف زرداری سے گزارش ہے کہ ہماری باتوں کو سنجیدہ لیں، سندھ حکومت ابھی بھی اختیارات نیچے دینے میں ہچکچا رہی ہے، بلدیاتی نظام کا مسودہ اب بن گیا ہے تو اسے قانون کی شکل دیں۔

وسیم اختر نے کہا کہ اگرسندھ بلدیاتی ایکٹ نہیں بنتا توکسی چیز میں بھی حصہ نہیں لیں گے اوررابطہ کمیٹی کےذریعے اپنا بہترفیصلہ کرنےپرمجبورہوں گے، الیکشن کمیشن ہمارے خدشات کا نوٹس لے، ہم نہیں چاہتے کہ الیکشن کمیشن پر انگلیاں اٹھیں۔