مریم نواز کی توشہ خانہ ریفرنس میں دائر درخواست کی سماعت نیب کا نیا قانون آنے تک ملتوی

ذرائع کے مطابق بدھ کے روز احتساب عدالت اسلام آباد کے جج اصغر علی نے مریم نواز کی توشہ خانہ ریفرنس میں دائر درخواست پر سماعت کی۔

نیب پراسیکیوٹر وسیم جاوید، مریم نواز کے وکیل قاضی مصباح عدالت کے روبرو پیش ہوئے۔

وکیل قاضی مصباح نے استدعا کی کہ امید ہے کہ ایک دو دنوں میں نیب کا نیا قانون آجائے گا،نیب کا نیا قانون آنے تک سماعت ملتوی کر دی جائے۔ 

تاہم عدالت نے استدعا منظور کرتے ہوئے کیس کی سماعت 17اگست تک ملتوی کر دی۔