جی ایس پی پلس معاملہ : یورپی یونین کے مانیٹرنگ مشن کا پہلا اجلاس

تفصیلات کے مطابق وزرات تجارت کے مطابق مانیٹرنگ کمیشن نے اسلام آباد میں  وزرات تجارت میں پاکستانی وفد سے ملاقات کی۔ پاکستانی وفد کی سربراہی سیکریٹری تجارت صالح فاروقی نے کی۔

ذرائع کے مطابق  پاکستان کی جانب سے 27 کنونشنز پر عملدرآمد کے حوالے سے تفصیلی بریفنگ دی گئی ۔  مانیٹرنگ کمیشن کو چائلڈ لیبر اور انسانی حقوق سے متعلق اقدامات پر بھی بریفنگ دی گئی۔

ذرائع کے مطابق مانیٹرنگ کمیشن کو لیبر رائٹس، ماحولیات اور خواتین کے حقوق سے متعلق اقدامات سے بھی آگاہ کیا گیا۔ یورپی یونین مانیٹرنگ کمیشن پنجاب کا بھی دورہ بھی کرے گا۔

پاکستان جی ایس پی پلس اسکیم میں توسیع کے حوالے سے پرامید ہے۔ 

یاد رہے کہ موجودہ جی ایس پی پلس کی اسکیم 31 دسمبر 2023 کو ختم ہو رہی ہے۔