پنوعاقل کے قریب ایل پی جی ٹینکرز کو آگ لگ گئی، 3افراد جھلس کر جاں بحق

تفصیلات کے مطابق پنوعاقل سانگھی تھانے کی حدود اور سانگھی شہر کے قریب غیر قانونی طور پر ایل پی جی چلانے والے کارخانے میں گیس کے بھرے ٹینکر سے دوسرے ٹینکر میں گیس منتقل کی جا رہی تھی کہ اس دوران ٹینکرز کو آگ لگ گئی۔

آگ لگنے کے باعث 3افراد جھلس کر جاں بحق ہو گئے جن میں سے 2پنوعاقل کے رہائشی تھے اور ایک ٹینکر ڈرائیور ملتان کا رہائشی تھا، تینوں افراد کو ایدھی ایمبولینس کے ذریعے ضروری کارروائی کے لیے متعلقہ ہسپتال پنوعاقل پہنچا دیا گیا۔