سعودی عرب سمیت خلیجی ممالک میں ذوالحج کا چاند نظر آ گیا

تفصیلات کے مطابق سعودی عرب سمیت دیگر خلیجی ممالک میں ذوالحج 1443 ہجری کا چاند نظر آ گیا ہے جس پر سعودی سپریم کورٹ کی جانب سے اعلان کیا گیا ہے کہ سعودی عرب میں عیدالاضحیٰ 9 جولائی کو ہو گی۔

عرب میڈیا کے مطابق سعودی عرب کے ساتھ ساتھ متعدد خلیجی ممالک میں بھی چاند نظر آنے کی مستند شہادتوں کے بعد ذوالحج کے چاند کا باضابطہ اعلان کیا گیا۔

متعلقہ سعودی حکام کے مطابق مملکت میں یکم ذوالحجۃ 1443 ہجری کا آغاز 30 جون سے ہوگا، اس حساب سے حج کا رکن اعظم وقوفِ عرفہ 8 جولائی بروز جمعہ جبکہ عیدالاضحیٰ 9 جولائی بروز ہفتے کو ہو گی۔