شمالی وزیرستان میں سکیورٹی فورسز کا آپریشن، 6 دہشتگرد ہلاک

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے دتہ خیل کے علاقے میں دہشت گردوں کی موجودگی کی خفیہ اطلاع  پرکارروائی کی۔

آئی ایس پی آر نے بتایا کہ کارروائی میں 6 دہشت گرد مارے گئے جن کے قبضے سے اسلحہ و گولہ بارود برآمد ہوا۔

آئی ایس پی آر کے مطابق دہشت گردوں سے فائرنگ کے تبادلے میں لانس نائیک اسلام الدین شہید ہوگیا جبکہ شہید اہلکارکا تعلق ضلع خیبر سے تھا۔