مجھے یقین تھا انصاف نہیں ملے گا: مریم نواز

سماجی رابطے کی ویب سائیٹ ٹوئیٹر پر سلسلہ وار ٹوئیٹس میں مریم نواز نے کہا کہ جب فیصلے آئین،قانون اور انصاف کے مطابق نہ ہوں تو فُل کورٹ سے خطرہ رہتا ہے۔

انہوں نے بات جاری رکھتے ہوئے کہا کہ ایماندار ججز کے شامل ہونے سے فیصلے کی خامیاں منظرِ عام پر آ جاتی ہیں اور لوگ جان جاتے ہیں کہ فیصلہ آئین و قانون نہیں بلکہ ذاتی پسند و ناپسند کی بنیاد پر کیا گیا ہے۔

فل کورٹ نا بنانے کی ایک ہی وجہ ہے۔۔۔خوف ! اپنے ہی کیے ہوئے فیصلوں کا تضاد سامنے آنے کا خوف!

— Maryam Nawaz Sharif (@MaryamNSharif) July 25, 2022

مریم نواز نے عدالتی فیصلے پر رد عمل دیتے ہوئے کہا کہ ہمارے 20 ووٹ بھی آپ نے ہم سے چھین لیےاور ق لیگ کے 10 ووٹ بھی آپ نے تحریک انصاف کو عطا کر دیے تو پرویز الہی صاحب کی اکثریت تو آپ کی دین ہے می لارڈ۔

مریم نواز سپریم کورٹ کے فیصلے کو شدید تنقید کا نشانہ بناتے ہوئے کہا کہ فل کورٹ نہ بنانے کی ایک ہی وجہ ہے اور وہ ہے خوف، اپنے ہی کیے ہوئے فیصلوں کا تضاد سامنے آنے کا خوف۔