وزیراعظم کی شیخ احمد نواف الاحمد الجابر الصباح کو کویت کا وزیر اعظم بننے پر مبارکباد

تفصیلات کے مطابق سماجی رابطے کی ویب سائٹ ٹوئٹر پر وزیراعظم  شہباز شریف نے کہا کہ وہ پاکستان اور کویت کے برادرانہ تعلقات کو مزید مستحکم کرنے کے لیے ان کے ساتھ مل کر کام کرنے کے خواہاں ہیں۔ 

انہوں نے کہا کہ ہمارے تعلقات کی بنیاد مشترکہ اقدار اور مشترکہ مفادات میں ہے ۔ 

I congratulate His Highness Sheikh Ahmad Nawaf Al Ahmad Al-Jaber Al-Sabah on his appointment as Prime Minister of Kuwait. I look forward to working closely with him to further strengthen Pakistan-Kuwait fraternal relations, rooted deep in shared values & commonality of interests.

— Shehbaz Sharif (@CMShehbaz) July 26, 2022

واضح رہے کہ امیر کویت شیخ نواف الاحمد الجابر الصباح نے لیفٹیننٹ جنرل (ر) شیخ احمد نواف الاحمد الصباح کووزیراعظم مقرر کیا ہے ۔  مارچ 2022 کے دوران امیر کویت نے لیفٹننٹ جنرل (ر) شیخ احمد نواف الاحمد الصباح کو وزیراعظم کا نائب اول اور وزیر داخلہ تعینات کیا تھا۔

یاد رہے کہ شیخ احمد نواف الاحمد الصباح 1956 میں پیدا ہوئے تھے۔ وہ مختلف عسکری عہدوں پر  رہے، وزارت داخلہ سے لیفٹیننٹ جنرل کے  عہدے پر پہنچ کر ریٹائر ڈہوئے۔

وہ 9 مارچ  2022 سے وزیراعظم کے نائب اول کے عہدے پر فائز تھے۔ اس سے قبل  نیشنل گارڈز کےنائب سربراہ رہے۔ وہ امیر کویت شیخ نواف الاحمد الجابر الصباح کے سب سے بڑے بیٹے ہیں۔

شیخ احمد، العربی کلب کی جنرل اسمبلی کے رکن رہ چکے ہیں۔ وہ کلب کے زریں عہد میں فٹبال کے ڈائریکٹر تھے۔ علاوہ ازیں انٹرپول کے صدر رہ چکے  ہیں اور کویتی پولیس آرگنائزیشن کی سربراہی بھی کرچکے ہیں۔