گورنر نے حلف نہ لیا تو عارف علوی ایوان صدر میں وزیر اعلیٰ سے حلف لیں گے:شہباز گل

ٹوئیٹر پر جاری پیغام میں شہباز گل نے کہا کہ اگر گورنر پنجاب نے واضح عدالتی احکامات کے باوجود حلف نہ لیا تو عدالتی حکم کے مطابق صدر پاکستان عارف علوی چودھری پرویز الہی کا حلف ایوان صدر اسلام آباد میں لیں گے۔

واضح رہے کہ سپریم کورٹ نے گورنر پنجاب کو آج رات ساڑھے 11 بجے نومنتخب وزیراعلیٰ پنجاب سے حلف لینے کا حکم دیا تھا، تاہم گورنر بلیغ الرحمان نے چودھری پرویز الٰہی سے حلف لینے سے انکار کر دیا ہے۔

سپریم کورٹ کی ہدایت کی روشنی میں اگر گورنر نئے وزیر اعلیٰ سے حلف نہ لیں تو صدر پاکستان ڈاکٹر عارف علوی وزیراعلیٰ پنجاب چودھری پرویز الٰہی سے عہدے کا حلف لیں گے۔