انٹربینک میں ڈالر مزید 2 روپے 64 پیسے سستا

تفصیلات کے مطابق ملک میں ڈالر کی قدر میں تنزلی کا سلسلہ جاری ہے جس سے ڈالر کے انٹربینک ریٹ مزید گھٹ کر 227 جبکہ اوپن ریٹ 227 روپے سے بھی نیچے آگئے۔

اسٹیٹ بینک آف پاکستان کی جانب سے جاری اعدادو شمار کے مطابق  انٹربینک میں ڈالر کا ریٹ 2.65 روپے کی کمی سے 226.15 روپے کی سطح پر بند ہوا۔

دوسری جانب اوپن مارکیٹ میں ڈالر کی قیمت میں 3 روپے کی کمی ریکارڈ کی گئی ہے، اوپن مارکیٹ میں ڈالر کا ریٹ 226 روپے ہے۔