جب تک پاکستان کوحقیقی آزادی نہیں مل جاتی قوم خان کیساتھ کھڑی ہے : چوہان

اپنے ایک بیان میں ترجمان حکومت پنجاب فیاض الحسن چوہان نے کہا کہ الیکشن کمیشن کو فارن فنڈنگ کے فیصلے کی زیادہ جلدی تھی۔

انہوں نے کہا کہ مریم نواز نے سپریم کورٹ میں جھوٹے حلف نامے جمع کروائے،پی ڈی ایم والے لیبیا اور صدام حسین سے فنڈز لاتے تھے،فارن فنڈنگ وہ ہوتی ہے جو انہوں نے کی۔

فیاض الحسن چوہان نے کہا کہ طاقت کی بنیاد پر آپ عمران خان کو دبا نہیں سکتے،جب تک پاکستان کوحقیقی آزادی نہیں مل جاتی قوم خان کے ساتھ کھڑی ہے۔

ان کا کہنا تھا کہ یہ جان چکےہیں کہ عمران خان کا مقابلہ عوام کے ذریعے نہیں کر سکتے، یہ چاہتے ہیں کہ عمران خان کو سیاست سے مائنس کیا جائے،یہ 89 میں فارن فنڈنگ لے کر بے نظیر کے خلاف تحریک عدم اعتماد لائے۔

ان کا مزید کہنا تھا کہ 2012ء میں کرکٹ کے لیے جو پرائیویٹ فنڈ آیا اس پر طوفان بدتمیزی سب نے دیکھا، چوروں کا ٹولہ ہر حربہ استعمال کر کے ناکام ہوا۔