کیمیائی ہتھیاروں کی روک تھام کی تنظیم (او پی سی ڈبلیو )کے لیے پاکستان کے مستقل مندوب سفیر سلجوق مستنصر تارڑ کو کیمیائی ہتھیاروں کے کنونشن (سی ڈبلیو سی) کی سالانہ کانفرس کا چیئرمین منتخب کرلیا گیا ہے۔

کیمیائی ہتھیاروں کے بین الاقوامی کنونشن کی سالانہ کانفرس دی ہیگ میں منعقد ہوئی جس نے کیمیائی ہتھیاروں کی روک تھام کی عالمی تنظیم (او پی سی ڈبلیو) میں پاکستان کے مستقل مندوب سفیر سلجوق مستنصر تارڑ کو ریاستی فریقین کی کانفرس نے چیئر منتخب کرلیا۔

پاکستان کو پہلی مرتبہ کیمیائی ہتھیاروں کے کنونشن کی کانفرنس آف سٹیٹس پارٹیز (سی ایس پی) کی چیئر کا اعزاز حاصل ہوا ہے۔ 193 ممبران پر مشتمل کانفرس نے ایک سال کے لئے چیئر کا انتخاب کرنا ہوتا ہے۔

ہر سال چیئر دنیا کے ایک علاقے سے انتخاب کی جاتی ہے۔ اس سال ایشیاء کی باری تھی اور ایشیائی گروپ نے سفیر سلجوق مستنصر تارڑ کونامزد کیا تھا جس کو کانفرس نے منتخب کیا۔ کیمیائی ہتھیاروں کی پیداوار، بڑھاؤ اور ذخیرہ اندازی کی روک تھام کے کنونشن(سی ڈبلیو سی) کی193ریاستوں نے توثیق کی ہے۔

یہ کنونشن بڑے پیمانے پر تباہی پھیلانے والے ہرقسم کے ہتھیاروں کی روک تھام کے لئے ایک جامع معاہدہ سمجھا جاتا ہے۔ پاکستان نے(سی ڈبلیو سی) کی1997 میں توثیق کی تھی۔

دنیا بھر میں آج ایڈز سے بچاؤ کا عالمی دن منایا جا رہا ہے، گزشتہ کچھ برسوں میں اینڈز کے مریضوں کے ہولناک حد تک اضافہ ہوا ہے۔

پاکستان میں بھی تقریبا ایج آئی وی کے 2 لاکھ 20 ہزار مریض موجود ہیں۔ بلوچستان اور پنجاب میں ایڈز کے مریضوں میں تیزی سے اضافہ ہونے لگا ہے۔اس مہلک ترین مرض سے اب تک ڈھائی کروڑ افراد لقمہ اجل بن چکے ہیں، اب بھی دنیا بھر میں 4کروڑ افراد ایڈز کی وباء میں مبتلا ہیں۔2022 کے سروے کے مطابق صرف کراچی میں ایڈز کے 970 مریض رپورٹ ہوئے، ڈاکٹرز کے مطابق ایچ آئی وی وائرس ایک شخص سے دوسرے شخص میں متنقل ہو کر مدافعتی نظام کو تباہ کر دیتا ہے۔

ایڈز سےبچائو کے عالمی دن کے موقع پر نگران وفاقی وزیر برائے قومی صحت ڈاکٹر ندیم جان نے کہا ہےکہ حکومت ایڈز کی وباء کے مکمل خاتمے کے لئے پرعزم ہے۔ ہر سال یکم دسمبر کو ایڈز کی روک تھام کے حوالے سے عالمی دن منایا جاتا ہے۔ یہ دن منانے کا مقصد یہ ہے کہ دنیا کے ساتھ مل کر اس مرض سے نجات حاصل کرناہے۔ پاکستان میں ایڈزکے مرض سے نمٹنے کے لئے جامع حکمت عملی اور اقدامات جاری ہیں۔

ڈاکٹر ندیم جان کا کہنا تھا کہ ہم اس کی روک تھام اور اس مرض میں مبتلا مریضوں کو قابل برداشت اور باوقار انداز میں اس کے علاج کی سہولیات فراہم کررہے ہیں۔ ہم اس عزم کااعادہ کرتے ہیں کہ ایڈزکے خلاف تمام فریقین کی مشاورت اور تعاون سے اس مرض میں مبتلامریضوں کو نہ صرف طبی سہولیات کی فراہمی یقینی بنائیں گے بلکہ انہیں نفسیاتی طورپر امداد بھی فراہم کریں گے جبکہ اس مرض پر قابو پانے کے لئے اپنی کوششیں جاری رکھیں گے۔ اس مرض میں مبتلا ہر مریض کو علاج کے لئے مساوی مواقع اور سہولیات اس کا بنیادی حق ہے۔

چیف الیکشن کمشنر سکندر سلطان راجا کا کہنا ہے کہ ہم سب کچھ اپنے وقت سےپہلےکررہے ہیں، انتخابی شیڈول الیکشن سے 54 روز پہلے جاری ہوگا۔

اسلام آباد میں صحافیوں سے غیر رسمی بات کرتے ہوئے چیف الیکشن کمشنر سکندر سلطان راجا کا کہنا تھا کہ حلقہ بندیاں شائع ہوچکی ہیں، باقی سب کچھ اپنے وقت پر ہوگا۔

چیف الیکشن کمشنر کا کہنا تھا کہ ہم سب کچھ اپنے وقت سے پہلےکررہے ہیں، الیکشن شیڈول، آر اوز اور ڈی آر اوز کی تعیناتی بھی وقت پر ہوگی۔

انتخابی شیڈول پر چیف الیکشن کمشنر کا کہنا تھا کہ  8 فروری سے پیچھے 54 دن کا حساب لگا لیں۔

آر اوز اور ڈی آر اوزعدلیہ یا بیورو کریسی سے لیں گے۔ جس پر چیف الیکشن کمشنر نے مسکراتے ہوئے نو کمنٹس کا جواب دیا۔