اردن کے ولی عہد شہزادہ حسین بن عبداللہ نے سعودی لڑکی سے منگنی کرلی

 اردن کے ولی عہد شہزادہ حسین بن عبداللہ نے سعودی لڑکی سے منگنی کرلی، منگنی کی تقریب ریاض میں راجوا السیف کے والد کے گھر پر ہوئی‘ جوڑے کی خوبصورت تصاویر وائرل ہوگئیں۔

عرب میڈیا کے مطابق اردن کی شاہی عدالت نے اعلان کیا ہے کہ اردن کے ولی عہد حسین بن عبداللہ دوم نے سعودی شہری رجوا خالد السیف سے منگنی کی ہے،

منگنی کی یہ تقریب ریاض میں اردن کے بادشاہ عبداللہ دوم، ملکہ رانیہ اور دلہن کے خاندان کی موجودگی میں منعقد ہوئی، تقریب اردن کے شاہی خاندان کا حصہ بننے والی راجوا السیف کے والد کے گھر پر ہوئی،

اس موقع پر شہزادہ حسن بن طلال، شہزادہ ہاشم بن عبداللہ دوم، شہزادہ علی بن حسین، شہزادہ ہاشم بن حسین، شہزادہ غازی بن محمد، شہزادہ راشد بن حسن اور السیف خاندان کے متعدد افراد موجود تھے۔

سماجی رابطوں کی ویب سائٹ ٹویٹر پر منگنی کا اعلان خوبصورت تصاویر کے ساتھ کیا گیا جس میں جوڑے کو ایک ساتھ دکھایا گیا ہے، ان میں شہزادہ حسین کے والدین شاہ عبداللہ دوم اور ملکہ رانیہ کی راجوا کے خاندان کے افراد کے ہمراہ لی گئی تصاوہر بھی شامل ہیں۔ 
 

The Royal Hashemite Court is pleased to announce the engagement of His Royal Highness Crown Prince Al Hussein bin Abdullah II to Ms Rajwa Khaled bin Musaed bin Saif bin Abdulaziz Al Saif, and extends its sincere congratulations on this occasion pic.twitter.com/LRIq61PtRB

— RHC (@RHCJO) August 17, 2022

اردن کی ملکہ رانیہ نے بھی ٹویٹر پر اپنی خوشی کا اظہار کرتے ہوئے لکھا کہ میں نے نہیں سوچا تھا کہ میرے دل میں اتنی خوشی رکھنا ممکن ہے، میرے سب سے بڑے شہزادہ حسین اور ان کی ہونے والی خوبصورت دلہن راجوا کو مبارک ہو!۔

I didn’t think it was possible to hold so much joy in my heart! Congratulations to my eldest Prince Hussein and his beautiful bride-to-be, Rajwa pic.twitter.com/hVhJHhnCir

— Rania Al Abdullah (@QueenRania) August 17, 2022