سیلاب کی تباہ کاریاں : اموات کی تعداد 1061 ہوگئی

نیشنل ڈیزاسٹر مینجمنٹ  اتھارٹی (این ڈی ایم اے ) کے مطابق گزشتہ چوبیس گھنٹے میں مزید 28 افراد زندگی کی بازی ہار گئے ۔ سب سے زیادہ اموات سندھ میں 349 ، بلوچستان میں 242 ، خیبرپختونخوا میں  242 افراد چل بسے۔پنجاب میں اموات کی تعداد 168 ریکارڈ کی گئی۔

این ڈی ایم اے کے مطابق ملک بھر میں 470 مرد 210 خواتين اور 359 بچے جان کى بازى ہار گئے ، بارشوں اور سيلاب سے 24 گھنٹے کےدوران 48 افراد  زخمى ہوئے اور 29 ہزار692 مکانات کو نقصان پہنچا، 13 ہزار323 گھرتباہ ہوئے۔ 

رپورٹ کے مطابق چودہ جون سے اب تک تین لاکھ سے زائد گھر مکمل تباہ ہوئے، 157 پل بہہ گئےجبکہ 3ہزار 457کلومیٹر سڑکیں تباہ ہوئیں۔

این ڈی ایم اے  رپورٹ میں مزید بتایا گیا ہے کہ ملک بھر میں 7 لاکھ 27 ہزار سے زائد مويشيوں کا نقصان ہوا ہے، جبکہ 3457 کلو ميٹر سڑک کو بارشوں کے باعث نقصان پہنچا۔