ٹیلی تھون سے ملنے والی رقم پورے ملک میں خرچ کی جائے گی:عمران خان

تفصیلات کے مطابق چیئرمین پاکستان تحریک انصاف عمران خان نے سیلاب زدگان کے لیے ٹیلی تھون سیشن میں کہا کہ پاکستان کے لیے اس وقت سب سے مشکل وقت ہے، ملک میں سیلاب سے 1 ہزار ارب روپے سے زائد کا نقصان ہوچکا ہے۔

انہوں نے کہا سیلاب کے باعث 1 ہزار سے زائد افراد جاں بحق ہوچکے ہیں، یہ پاکستان کی تاریخ کا سب سے بڑا سانحہ ہے، ہم نے فیصلہ کیا ہے کہ پورا پاکستان مل کر اس امتحان کا سامنا کرے، ثانیہ نشتر کو فلڈ ریلیف فنڈ کا سربراہ مقرر کیا گیا ہے، جو بھی فنڈز ملیں گے اسے ثانیہ نشتر کی سربراہی میں خرچ کیا جائے گا۔

ٹیلی تھون سیشن میں ملنے والی چیریٹی سے متعلق فواد چودھری نے بتایا کہ تقریباََ ایک گھنٹے کے مختصر وقت میں عمران خان سیلاب زدگان کے لیے 86 کروڑ روپے جمع کر چکے ہیں۔

واضح رہے کہ سابق وزیر اعظم سیلاب زدگان کی معاونت کی خاطر انٹرنیشنل ٹیل تھون کر رہے ہیں جس صاحب استطاعت پاکستانی شہری اور بالخصوص اوورسیز پاکستانی بڑھ چڑھ کر حصہ لے رہے ہیں۔