عمران خان مائنس ون فارمولا قوم تسلیم نہیں کرے گی، پرویز خٹک

 تحریک انصاف خیبرپختونخوا کے صدر اور سابق وفاقی وزیر دفاع پرویزخٹک نے کہا ہے کہ عمران خان مائنس ون فارمولا قوم تسلیم نہیں کرے گی،

اداروں میں غلط فہمی پیدا کرکے تحریک انصاف کو سائڈ لائن کرنے کی سازش کی جارہی ہے۔مقدمات قائم کرتے جائو عمران خان ہر عدالت میں کامیاب ہوتا رہے گا۔

ان خیالات کااظہار انہوںنے نوشہرہ شوبرا چوک میں عمران خان کے ساتھ یکجہتی کے اظہار ،عہدیداران اور میڈیا سے خطاب کرتے ہوئے کیا ۔ 

انہوں نے کہا عمران خان کی گرفتاری کی سازش کرنے والے احمقوں کی جنت میں رہتے ہیں۔ضمنی الیکشن میں شکست دیکھ کر انتخابات ملتوی کئے گئے۔

پی ڈی ایم کا شیرازہ جلد بکھرنے والا ہے ۔زرداری ،نواز اور مولانا سیلاب زردگان کی خدمت کرنے کے بجائیں عیاشیوں میں مصروف ہیں۔عوام دو وقت کی روٹی کو ترس رہے ہیں۔

غریب آدمی کوپہلے مہنگائی سے مروا گیا اب سیلاب نے تباہی مچادی ہے۔عوام حکومت پر عدم اعتماد کرچکی ہیں۔انے والا الیکشن عمران خان اور تحریک انصاف کی تاریخی کامیابی کی نوید لیکر آئیں گا۔

عمران خان کی ایک کال پر عوام ملک و صوبہ جام کرکے دیکھیں گئے۔جلسہ سے ممبر صوبائی اسمبلی ادریس خٹک ،ضلعی صدر ملک ابرار نے بھی خطاب کیا۔