میرا شادی کرنے کا ارادہ ہے، بلاول بھٹو کی ویڈیو وائرل

بلاول بھٹو کو اقوام متحدہ کی جنرل اسمبلی کے 77ویں اجلاس کے موقع پر بھی اسی سوال کا سامنا کرنا پڑا۔ 

عرب نیوز کی جانب سے مائیکرو بلاگنگ ویب سائٹ ٹوئٹر پر شیئر کی گئی ایک ویڈیو میں غیر ملکی صحافی کو بلاول بھٹو زرداری سے یہ سوال پوچھتے ہوئے سنا جاسکتا ہے کہ ’میرے پاکستانی دوست پوچھ رہے ہیں کہ کیا آپ کا شادی کرنے کا کوئی ارادہ ہے؟‘

#WATCH: "I have plans to marry," #Pakistan FM Bilawal Bhutto-Zardari tells Arab News on the sidelines of #UNGA.
–https://t.co/eGzOWnX6jC pic.twitter.com/foweNmPQ2Y

— Arab News Pakistan (@arabnewspk) September 23, 2022

 بلاول بھٹو زرداری اس سوال کے جواب میں ہنستے ہوئے کہتے ہیں کہ ’بالکل، میرا شادی کرنے کا ارادہ ہے‘۔

بلاول یہ مختصر جواب دینے کے بعد صحافی کے شادی کرنے کے وقت سے متعلق سوال کا جواب دیے بغیر ہی فوراََ وہاں سے آگے بڑھ گئے۔

لہٰذا، بلاول بھٹو نے اپنی شادی سے متعلق سب سے زیادہ پوچھے جانے والے سوال کا جواب اس بار بھی نہیں دیا۔ 

البتہ، پیپلز پارٹی کے ایک رہنما منظور وسان، جو سیاسی پیشگوئیاں کرنے کے لیے مشہور ہیں، اُنہوں نے اس حوالے سے بھی اپنی پیشگوئی کردی ہے۔

منظور وسان نے دسمبر 2019ء میں کہا تھا کہ بلاول پاکستان کے وزیر اعظم بننے کے بعد 2023 میں شادی کے بندھن میں بندھ جائیں گے۔

واضح رہے کہ بلاول بھٹو نے اپنی ہونے والی دلہن کے حوالے سے پوچھے گئے سوال کے جواب میں 2016 میں کہا تھا کہ ’ میری شادی اس لڑکی سے ہوگی جو سب سے پہلے میری بہنوں کا دل جیتے، مجھے اس حوالے سے بہنوں کو اعتماد میں لینا ہوگا‘۔

اُنہوں نے یہ بھی کہا کہ ’میری بہنوں کا دل جیتنا کسی بھی لڑکی کے لیے کافی مشکل کام ہوگا‘۔