اسحاق ڈار آج وفاقی وزیر خزانہ کا حلف اٹھائیں گے

تفصیلات کے مطابق  سینیٹر اسحاق ڈار آج وفاقی وزیر خزانہ کے عہدے کا حلف اٹھائیں گے ، ذرائع کے مطابق ان کی حلف برداری کی تقریب صبح 10 بجے ایوان صدر میں ہوگی ۔

صدر مملکت ڈاکٹر عارف علوی سینیٹر اسحاق ڈار سے وفاقی وزیر خزانہ کا حلف لیں گے۔

خیال رہے کہ گزشتہ روز  سابق وزیر خزانہ اسحاق ڈار نے سینیٹ کی رکنیت کا حلف اٹھا لیا اور ان سے سینیٹ کے چیئرمین صادق سنجرانی نے حلف لیا۔

 مسلم لیگ (ن) نے اسحاق ڈار کو وزیر خزانہ نامزد کیا ہے۔