امریکا میں آندھی اور طوفان  کے باعث 17 افراد ہلاک

غیر ملکی میڈیا کےمطابق ایان سمندری طوفان کو امریکہ میں آنے والے اب تک کے سب سے طاقتور طوفانوں میں سے ایک قرار دیا گیاہے ۔ 

امریکی صدر جو بائیڈن نے خدشہ ظاہر کیا ہے کہ اموات کی تعداد میں اضافہ ہوسکتا ہے ۔ فلوریڈا کے گورنر کا کہنا ہے کہ طوفان سے جو تباہی ہوئی ہے وہ پانچ سو برسوں میں نہیں دیکھی گئی۔

امریکی میڈیا کے مطابق طوفان میں سب سے زیادہ فورٹ مائرز ( Fort Myers) متاثر ہوا ہے اور ریاست میں اب بھی 20 لاکھ سے زائد شہری بجلی سے محروم ہیں۔

غیرملکی میڈیا کا کہنا ہے کہ طوفان اب نسبتاً کم شدت کے ساتھ جنوبی کیرولائنا کی جانب بڑھ رہا ہے۔

گزشتہ روز سمندری طوفان ایان  کے باعث فلوریڈا  سے ٹکرایا تھا ، میں طوفانی ہواؤں کے ساتھ شدید بارشیں ہوئیں، جس کے بعد متاثرہ حصوں میں سیلابی صورتحال کا سامنا ہے۔