چئیرمین پی ٹی آئی عمران خان  کی آج 70  ویں سالگرہ 

چئیرمین پی ٹی آئی ، سابق وزیراعظم پاکستان عمران خان آج 70 ویں سالگرہ منارہے ہیں ، سوشل میڈیا پر معروف شخصیات ، کارکنان ،  اور  پرستاروں کی جانب سےسالگرہ پر مبارکباد کے  پیغامات  دینے کا سلسلہ جاری ہے۔  

عمران خان 5 اکتوبر 1952 ء کو لاہور میں پیدا ہوئے،  ان  کے والد کا نام اکرام اللہ خان نیازی اور والدہ کا نام شوکت خانم ہے اور وہ چار بہنوں کے اکلوتے بھائی ہیں۔ انہوں نے اپنی والدہ کی یاد میں شوکت خانم میموریل کینسر ہسپتال بھی قائم کیا ۔

عمران خان نے ابتدائی تعلیم پاکستان میں ہی حاصل کرنے کے بعد برطانیہ کا رخ کیا ۔ ت علیم کے حصول کے ساتھ ساتھ کرکٹ میں بھی خود کو منوایا اور اٹھارہ سال کی عمر میں پاکستان کی قومی کرکٹ ٹیم میں شمولیت اختیار کی ، 1982 سے 1992 کے درمیان کپتان کے فرائض بھی سر انجام دیے ۔

بطور کرکٹر شہرت پانے والے عمران خان نے  1992 میں پاکستان کو پہلا اور واحد  کرکٹ ورلڈ کپ جتوایا۔  عمران خان  نے ٹیسٹ کرکٹ میں 3ہزار 807 اور 362 وکٹیں حاصل کیں ۔جبکہ عمران خان نے ایک روزہ  انٹرنیشنل کرکٹ میں 3ہزار 709 اور 182 وکٹیں اپنے نام کیں ۔

کرکٹ میں کامیاب اننگز کھیلنے کے بعد عمران خان نے سیاست کی دنیا میں قدم رکھا ،  عمران خان نے 25 اپریل 1996 کو تحریک انصاف کی بنیاد رکھی اور  2002 میں میانوالی سے ممبر قومی اسمبلی منتخب ہوئے۔ 

تحریک انصاف نے 2013 کے الیکشن میں خیبرپختونخوا میں اکثریت حاصل کی جبکہ 2018  کے انتخابات میں‌ عمران خان کی قیادت میں‌ پی ٹی آئی نے تاریخ ساز کامیابی حاصل کی۔ 17 اگست کو عمران خان پاکستان کے بائیسویں وزیراعظم منتخب ہوئے تھے ۔ 

عمران خان نے تین شادیاں کیں اور ان کے دو بیٹے ہیں ۔  انہوں نے پہلی شادی 1995ء میں برطانوی شہری جمائما گولڈ اسمتھ سے کی جن سے ان کے دو بیٹے سلیمان اور قاسم ہوئے۔ 2004 میں ان کی طلاق ہوگئی  ۔پھر کپتان نے دوسری شادی 2015ء میں پاکستانی صحافی ریحام خان سے کی اور چند ماہ بعد اسی سال ان کی علیحدگی ہوگئی۔ ان کی تیسری شادی 2018ء میں بشریٰ بی بی سے ہوئی۔

اپنے قائد کی سالگرہ منانے کے لیے عمران خان کے چاہنے والے سوشل میڈیا پر انتہائی متحرک ہیں اور  کپتان کو مبارکباد دیتے ہوئے ان کے لیے نیک خواہشات کا اظہار کررہے ہیں ۔ 

عمران خان کی 70 ویں سالگرہ کے سلسلے میں ملک بھر میں پی ٹی آئی کے زیر اہتمام کارکنان سالگرہ کی تقریبات کا اہتمام کریں گے۔ 

تُم جیو ہزاروں سال آمین #سالگرہ_مبارک_ہو_خان_صاحب pic.twitter.com/jVbwXqLZ7l

— PTI (@PTIofficial) October 5, 2022