سہ ملکی سیریز:  پہلا میچ پاکستان اور بنگلہ دیش کے درمیان 7 اکتوبر کو کھیلا جائے گا

سہ ملکی سیریز میں شرکت کے لئے پاکستان کرکٹ ٹیم نیوزی لینڈ میں پہنچ چکی ہے ، 7 اکتوبر سے شروع ہونے والی سیریز میں پاکستان کے علاوہ بنگلہ دیش اور میزبان نیوزی لینڈ کی ٹیمیں حصہ لے رہی ہیں۔

تمام میچز کرائسٹ چرچ میں کھیلے جائیں گے ، پاکستان ٹیم کو مایہ ناز بلے باز بابر اعظم لیڈ کریں گے ۔  پاکستانی سکواڈ میں 16 کھلاڑی اور 13 معاون سٹاف ممبران شامل ہیں۔

بنگلہ دیش ٹیم کی قیادت مایہ ناز آل رائونڈر شکیب الحسن کریں گے ۔

 پاکستان ٹیم  جمعرات سے کرائسٹ چرچ میں دوبارہ تربیت کا آغاز کرے گی ۔

پاکستان سہ ملکی سیریز میں اپنا دوسرا میچ 8 اکتوبر کو میزبان نیوزی لینڈ کے خلاف کھیلے گا ۔ 

پاکستان ٹیم سیریز میں اپنے تیسرے میچ میں 11 اکتوبر کو کیوی ٹیم کے خلاف میدان میں اترے گی جبکہ فائنل سے قبل اپنا چوتھا میچ 13 اکتوبر کو بنگلہ دیش کے خلاف کھیلے گی۔

واضح رہے  کہ سہ ملکی سیریز کا فائنل میچ 14 اکتوبر کو ہیگلے اوول، کرائسٹ چرچ میں کھیلا جائے گا۔