این سی او سی کا بین الصوبائی ٹرانسپورٹ دو روز بند رکھنے کا فیصلہ

تفصیلات کے مطابق نیشنل کمانڈ اینڈ آپریشن  سینٹر (این سی او سی )  نے  بین الصوبائی ٹرانسپورٹ دو روز بند رکھنے کا فیصلہ کرلیا۔این سی او سی نے بین الصوبائی ٹرانسپورٹ پرہفتہ  اوراتوار پابندی لگادی۔ فیصلے کا اطلاق 10 اپریل سے 25 اپریک تک ہوگا۔

 این سی او سی کے مطابق  بین الصوبائی ٹرانسپورٹ پیر سے جمعہ تک چلتی رہے گی،  گُڈز،  فریٹ،  میڈیکل اور دیگر ایمرجنسی سروسز کو استثنی حاصل ہوگا۔

این سی او سی کا کہنا ہے کہ ریلوے سروسز کو 70 فیصد سواریوں کے ساتھ ہفتے میں ساتوں دن آپریشنز کی اجازت ہوگی۔پابندی کے حوالے سے 20 اپریل کو اجلاس میں دوبارہ جائزہ لیا جائے گا۔

چند روز قبل  سندھ حکومت نے وفاق سے دو ہفتے کے لیے بین الصوبائی ٹرانسپورٹ بند کرنے کی سفارش کی تھی، وزیراعلیٰ سندھ نے کہا تھا کہ وہ لاک ڈاؤن کے حق میں نہیں لیکن وہ صرف بین الصوبائی ٹرانسپورٹ پر پابندی عائد کرنا چاہتے ہیں تاکہ لوگ ایک صوبے سے دوسرے صوبے میں داخل نہ ہوسکیں، یوکے سے تعلق رکھنے والے وائرس پر قابو پانے کا یہ واحد طریقہ ہے۔