انڈونیشیا میں سیلاب اورطوفان نے تباہی مچادی

تفصیلات کے مطابق   انڈونیشیا اور مشرقی تیمور میں بارش کی وجہ سے بڑے پیمانے پر تباہی ہوئی  ہے ، سیلاب کے پانی سے بہہ جانے والے ڈیموں نے جزیروں پر ہزاروں مکانات کو نقصان پہنچایا اور لوگوں کو علاقے سے نقل مکانی کرنے پر مجبور کردیا ہے ۔ دونوں ملکوں میں ڈیموں میں پانی کی سطح خطرناک حد تک بلند ہوچکی ہے، سینکڑوں مکانات زیر آب آنے سے ہزاروں افراد عارضی پناہ گاہوں میں منتقل ہوگئے ہیں۔

د ونوں ممالک کے سرکاری عہدیداروں نے متنبہ کیا ہے کہ ہلاکتوں کی تعداد میں مزید اضافہ ہوسکتا ہے کیونکہ بچ جانے والے افراد کی تلاش کے لئے ابھی بھی کوششیں جاری ہیں۔ انڈونیشیا کے ڈیزازسٹر مینجمنٹ ایجنسی کے ترجمان کا کہنا ہے کہ ملک میں بارشوں، سیلاب اور لینڈ سیلائیڈنگ کے باعث 50سے زائد  افراد کی اموات ہوچکی ہے جبکہ 9افراد زخمی  اور  27  اب بھی لاپتہ ہیں۔ سیلاب کے نتیجے میں چار ملحقہ اضلاع اور سات دیہاتوں کو بری طرح سے نقصان پہنچا ہے۔

مون سون کے موسم میں انڈونیشیا کے جزیرے کے اطراف میں سیلاب اور لینڈ سلائیڈ نگ معمول کی بات ہیں ،  جو عام طور پر نومبر سے مارچ تک جاری رہتا ہے۔