بنگلادیش میں افسوس ناک حادثہ،26 افراد ہلاک

تفصیلات  کے مطابق بنگلا دیش  میں 100 سے زائد مسافروں سے بھری چھوٹی مسافر کشتی شیتا لکھیا دریا میں ایک کارگو جہاز سے ٹکرانے کے بعد الٹ گئی جس کے نتیجے میں 26 افراد جان کی بازی ہار گئے۔ پولیس اور  عینی شاہدین کا بتانا ہے کہ حادثے کے فوری بعد کارگو جہاز  موقع سے فرار  ہو گیا۔

غیر ملکی  میڈیا کے مطابق اتوار کے روز  پیش آنے والے حادثے میں اب تک 26 افراد کی ہلاکت کی تصدیق ہو چکی ہے، 5 لاشیں گزشتہ روز  ہی نکال لی گئی تھیں جبکہ مزید 21 لاشیں پیر کے روز  نکالی گئیں۔

بنگلا دیشی حکام کا کہنا ہے کہ حادثے سےمتاثر ہونے والوں کو 25000 ٹکا فی کس معاوضہ دیا جائے گا جبکہ حادثے کی تحقیقات کے لیے کمیٹی بھی تشکیل دے دی گئی ہے۔