عمران خان مرحوم رپورٹر صدف نعیم کے گھرپہنچ گے، خاندان سے اظہار تعزیت

عمران خان نے اپنے کینٹینر آکر جاں بحق ہونے والی رپورٹر کے گھر آمد، مرحوم صدف کے گھر والوں کیساتھ اظہار تعزیت بھی کی۔ 

گزشتہ روز تحریک انصاف کے لانگ کے کامونکی جاتے ہوئے راستے میں کنٹینر کے نیچے آکر نجی ٹی وی کی خاتون رپورٹر جاں بحق ہوگئی تھی، جس کے بعد عمران خان نے اپنا مارچ ختم کردیا۔

عمران خان مرحومہ صدف نعیم کے اہلخانہ سے تعزیت کیلئے ان کی رہائشگاہ پہنچے، ان کے خاندان والوں سے ملاقات کی اور دعا کی۔

واضح رہے کہ گزشتہ روز وفاقی اور پنجاب حکومتوں نے پی ٹی آئی کے لانگ مارچ میں کنٹینر کے نیچے آکر جاں بحق ہونے والی خاتون رپورٹر صدف نعیم کے لواحیقن کیلئے امداد کا اعلان کیا تھا۔

وزیراعظم شہباز شریف نے مرحومہ خاتون رپورٹر کے اہل خانہ کیلئے 50 لاکھ روپے مالی امداد کا اعلان کیا اور متعلقہ حکام کو کارروائی مکمل کرکے چیک اہل خانہ کو دینے کی ہدایت کی۔

وزیراعلیٰ پنجاب چوہدری پرویز الہٰی نے بھی صوبائی حکومت کی جانب سے صدف کے اہل خانہ کیلئے 25 لاکھ روپے امداد کا اعلان کیا، اور ترجمان وزیراعلیٰ وپنجاب حکومت مسرت جمشید چیمہ کے مطابق محکمہ ڈی جی پی آر کی جانب سے صدف کے اہل خانہ کو 10 لاکھ الگ سے دیئے جائیں گے، پنجاب حکومت مرحومہ کےبچوں کی بھی کفالت کرے گی۔

بعد ازاں وزیراعلیٰ پنجاب چوہدری پرویز الہیٰ کے بیٹے چوہدری مونس الہٰی نے ایک ٹوئٹ میں کہا کہ عمران خان کی ہدایت پر امدادی رقم 25 سے بڑھاکر 50 لاکھ روپے کردی گئی ہے۔