اسلام آباد ہائیکورٹ نے توشہ خانہ ٹو کیس میں بانی پی ٹی آئی عمران خان کی درخواست ضمانت 12 نومبر کو سماعت کے لیے مقرر کر دی۔

عدالت عالیہ کے جسٹس میاں گل حسن اورنگزیب عمران خان کی درخواست ضمانت پر سماعت کریں گے۔ عدالت نے اس حوالے سے  ایف آئی اے کو نوٹس جاری کرکے جواب طلب کر رکھا ہے۔

واضح رہے کہ اس سے قبل  اسپیشل جج سینٹرل نے عمران خان کی درخواست  ضمانت مسترد کر دی تھی جبکہ ان کی اہلیہ بشریٰ بی بی کی توشہ خانہ ٹوکیس میں ضمانت منظور ہو چکی ہے۔

اسلام آباد ہائی کورٹ نے پاکستان تحریک انصاف (پی ٹی آئی) کے ایم این اے مبین عارف جٹ کی 2 مختلف کیسز میں حفاظتی ضمانت منظور کر لی۔

اسلام آباد ہائیکورٹ میں مبین عارف جٹ کیخلاف گوجرانوالہ میں درج 2 مقدمات کی سماعت ہوئی، ایک مقدمے  کی سماعت جسٹس محسن اختر کیانی  نے جبکہ دوسرے مقدمے  کی سماعت جسٹس طارق محمود جہانگیری نے کی۔

مبین عارف جٹ کی جانب سے وکیل آمنہ علی ایڈوکیٹ اور رضوان اختر ایڈووکیٹ عدالت میں پیش ہوئے۔

عدالت نے تحریک انصاف کے ایم این اے مبین عارف جٹ کی 2 مختلف کیسز میں حفاظتی ضمانت منظور کرتے ہوئے ان کو عدالت میں پیش ہونے کا حکم دے دیا۔

اسلام آباد ہائیکورٹ کے جج جسٹس طارق محمود جہانگیری نے 50 ہزار جبکہ جسٹس محسن اختر کیانی نے 20 ہزار روپے مچلکے جمع کرانے کا حکم دے دیا۔

عدالت نے مبین عارف جٹ کی ایئرپورٹ پر گرفتاری سے بھی روک دیا اور پی ٹی آئی ایم این اے کو 11 نومبر تک ہائیکورٹ میں سرنڈر کرنے کا حکم دے دیا۔

امریکی صدارتی انتخابات کے لیے مختلف ریاستوں جن میں انڈیانا، کینٹکی، فلوریڈا، ورمونٹ، جارجیا سمیت کئی ریاستوں میں پولنگ ختم ہو گئی ، ووٹوں کی گنتی اور نتائج آنے کا سلسلہ شروع ہو گیا ہے۔

سوئنگ اسٹیٹس میں سے  ریاست شمالی کیرولائنا، ویسٹ ورجینیا، اوہائیو ، الینوائے، میری لینڈ اور پنسلوینیا میں بھی پولنگ کا وقت ختم ہو گیا۔

امریکی میڈیا کے مطابق اب کے نتائج میں سابق امریکی صدر اور ری پبلکن صدارتی امیدوار ڈونلڈ ٹرمپ کو کملا ہیرس پر واضح برتری حاصل ہے، اب تک کے نتائج کے مطابق ڈونلڈ ٹرمپ نے 205 الیکٹوریل ووٹ حاصل کر لیے ہے، جبکہ ان کی حریف امیدوار کملا ہیرس کو اب تک صرف 117 ووٹ ہی حاصل ہوئے ہیں۔

 جبکہ 7 سوئنگ ریاستوں میں سے پانچ میں ڈونلڈ ٹرمپ کو برتری حاصل ہے۔

واضح رہے کہ  کسی بھی امیدوار کو جیت کیلئے 538 میں سے 270 الیکٹورل ووٹ درکار ہیں۔ اور  سابق امریکی صدر صرف 65 ووٹوں کی دوری پر ہے۔