اے این پی کا پی ڈی ایم سے علیحدگی کا اعلان

عوامی نیشنل پارٹی کےمرکزی ترجمان زائدخان،شاہی سید،میاں افتخار حسین اورحیدرخان ہوتی کا  نیوز کانفرنس میں کہنا تھا کہ   آج ایک ہنگامی اجلاس ہوا، ہمارےپاس اتناوقت نہیں کہ مرکزی کونسل کااجلاس بلاتے، ستمبر2020میں پی ڈی ایم بنی تھی۔

رہنما اے این پی  امیرحیدرہوتی کا کہنا ہے کہ   پاکستان ڈیموکریٹک موومنٹ  ( پی ڈی ایم)  جب بنی توہماراموقف واضح تھا، اے این پی کااستعفوں سے متعلق واضح تھا۔ ہماراموقف تھا کہ استعفوں کےبغیرلانگ مارچ بے معنی ہوگا۔

رہنما اے این پی امیر حیدر ہوتی کا کہنا تھا کہ   پی ڈی ایم نے شوکازنوٹس بھیجا، ہم نہ ن لیگ میں ہیں اور نہ پی پی میں کہ شوکازنوٹس بھیجا جائے، پی ڈی ایم ایک پارٹی نہیں تحریک ہے، ہم تو شوکازنوٹس پرخوش ہے،پنجاب میں ن لیگ نےسینیٹ میں پی ٹی آئی  کیساتھ الیکشن لڑا،کیاان کوبھی شوکاز نوٹس ملے گا۔

عوامی نیشنل پارٹی کے رہنما امیر حیدر ہوتی کا مزید کہنا تھا کہ مولانافضل الرحمان اور خاقان عباسی قابل احترام ہے، جےیوآئی نے بھی پی ٹی آئی کیساتھ اتحادکیا،کیااس کوبھی نوٹس ملے گا، مولاناہمارے پاس آکرپوچھتے کہ اے این پی نےایساکیوں کیا، لیکن یہ نہیں ہو سکتا، ہم آج پی ڈی ایم کے تمام عہدوں سے مستعفی ہونے کااعلان کرتےہیں۔

واضح رہے کہ سینیٹ میں اپوزیشن لیڈر کے معاملے  پر پی ڈی ایم نے پیپلز پارٹی اور اے این پی کو شوکاز نوٹس جاری کردیے تھے۔ سینیٹ میں اپوزیشن کے دو علیحدہ علیحدہ اجلاس منعقد ہوئے تھے۔  مسلم لیگ ن، جے یو آئی، پی کے میپ، نیشنل پارٹی اور بی این پی مینگل کے سینیٹرز شریک ہوئے۔ شاہد خاقان عباسی، مشاہد حسین سید، مولانا عبدالغفور حیدری، طاہر بزنجو کے علاوہ مصدق ملک، کامران مرتضی، مولانا عطاالرحمٰن سمیت دیگر نے شرکت کی تھی ۔ پی ڈی ایم کے سیکریٹری جنرل شاہد خاقان عباسی نے کہا کہ شوکاز نوٹسز جاری کرکے پیپلز پارٹی سے جواب مانگا ہے کہ آپ نے حکومتی ارکان کا ووٹ کیوں حاصل کیا۔