صدر مملکت نے تین ججز کی سپریم کورٹ میں تعیناتی کی منظوری دیدی

ڈاکٹر عارف علوی نے چیف جسٹس اسلام آباد ہائی کورٹ جسٹس اطہر من اللہ اور سندھ ہائی کورٹ کے جج جسٹس سید حسن اظہر رضوی کی بطور سپریم کورٹ جج تعیناتی کی منظوری دی ہے۔

صدر پاکستان نے لاہور ہائی کورٹ کے جج جسٹس شاہد وحید کو بھی سپریم کورٹ میں جج تعینات کرنے کی منظوری دی ہے جب کہ جسٹس عامر فاروق کی بطور چیف جسٹس اسلام آباد ہائی کورٹ تعیناتی کی منظوری دی گئی ہے۔

واضح رہے کہ صدر مملکت ڈاکٹر عارف علوی نے ججز کی تعیناتیوں کی منظوری آئین کے آرٹیکل 175 اے کے تحت دی ہے۔