Advertisement

ٹی 20 ورلڈکپ : بھارت اور انگلینڈ کے درمیان دوسرا سیمی فائنل آج کھیلا جائے گا

سڈنی : آئی سی سی ٹی ٹونٹی عالمی کرکٹ کپ کادوسراسیمی فائنل آج ایڈیلیڈمیں بھارت اورانگلینڈ کے درمیان کھیلاجائے گا۔

GNN Web Desk
شائع شدہ 4 سال قبل پر نومبر 10 2022، 1:59 شام
ویب ڈیسک کے ذریعے
ٹی 20 ورلڈکپ : بھارت اور انگلینڈ کے درمیان دوسرا سیمی فائنل  آج کھیلا جائے گا

تفصیلات کے مطابق بھارت اور انگلینڈ کے درمیان سیمی فائنل ایڈیلیڈ میں پاکستانی وقت کے مطابق دن ایک بجے کھیلا جائے گا۔

سیمی فائنل کیلئے کوالیفائی کرنے والی انگلش ٹیم گروپ ون میں دوسرے نمبر پر رہی تھی جس نے پانچ میچوں میں سے تین میں فتح حاصل کی، ایک ہارا اور ایک میچ غیر فیصلہ کن رہا۔

انگلینڈ نے آسٹریلیا سے بہتر رن ریٹ کی بنیاد پر آخری چار ٹیموں میں جگہ بنائی۔

دوسری جانب بھارتی ٹیم ہے جس نے گروپ ٹو میں 8 پوائنٹس کے ساتھ ٹاپ پوزیشن حاصل کی۔

انگلینڈ اور بھارت  کے درمیان اب تک کُل 22 ٹی20 میچز ہوچکے ہیں جس میں بھارت نے 12 جبکہ انگلینڈ نے 10 میچز جیتے ہیں۔

اگر ٹی20 ورلڈ کپ کی بات کی جائے تو دونوں ٹیموں کے درمیان اب تک تین میچز کھیلے گئے ہیں جن میں دو مرتبہ بھارت  اور ایک مرتبہ انگلینڈ نے فتح حاصل کی ہے۔

آج کے میچ کی فاتح ٹیم اتوار 13 نومبر کو کھیلے جانے والے ٹی ٹوئنٹی ورلڈ کپ کے فائنل میں پاکستان سے مقابلہ کرے گی۔

 

Advertisement
رجحانات
Advertisement