Advertisement

بابر اعظم نے کراچی والوں کیلئے خاص پیغام  جاری کردیا

لاہور : پاکستان کرکٹ ٹیم کے کپتان بابر اعظم نے پاکستان سپر لیگ (پی ایس ایل) کی فرنچائز کراچی کنگز چھوڑنے کے بعد کراچی کے مداحوں کے لیے پیغام جاری کیا ہے۔

GNN Web Desk
شائع شدہ 4 سال قبل پر نومبر 12 2022، 6:08 شام
ویب ڈیسک کے ذریعے
بابر اعظم  نے کراچی والوں کیلئے خاص  پیغام  جاری کردیا

تفصیلات کے مطابق سماجی رابطے کی ویب سائٹ ٹوئٹر پرپیغام میں  بابر اعظم نے لکھا کہ کراچی کنگز کے ساتھ میرا سفر شاندار رہا ، ملنے والے پیار، تعاون اور سیکھنے کا مشکور ہوں۔

بابر اعظم نے کراچی کنگز کے کھلاڑیوں اور مینجمنٹ کا شکریہ ادا کرتے ہوئے ٹیم کے لیے نیک خواہشات کا اظہار کیا۔

ان کا مزید کہنا تھا  کہ کراچی کے تمام مداح آپ ہمارے تھے اور ہمیشہ رہیں گے۔

 

واضح رہے کہ بابر اعظم نے پی ایس ایل کی فرنچائز کراچی کنگز چھوڑ کر پشاور زلمی کو جوائن کرلیا ہے ۔ 

 

بابر اعظم نے  68 میچوں میں 2 ہزار 413 رنز کے ساتھ ، پی ایس ایل کے اب تک کے سب سے زیادہ اسکور بنانے  کا اعزاز بھی اپنے نام کررکھا ہے  ۔

خیال رہے کہ پاکستان کی قومی کرکٹ ٹیم کے تینوں فارمیٹ کے کپتان بابر اعظم ہیں۔

Advertisement
رجحانات
Advertisement