عمران خان کے تمام تماشے بے نقاب ہوچکے : مریم اورنگزیب 

تفصیلات کے مطابق جاری بیان میں وفاقی وزیر اطلاعات ونشریات مریم اورنگزیب  نے کہا کہ  عمران خان نے اِس ملک میں 2014 سے تماشہ لگایا ہوا ہے، چار سال نالائقی ، نااہلی ، بہتان اور جھوٹ کا تماشہ لگائے رکھا۔ 

انہوں نے کہا کہ عمران خان نے عوام کے روزگار اور مہنگائی پر  تماشہ لگایا ، چار سال سے ملک میں لوٹ مار کے تماشے لگائے ، گھڑیوں اور ہاروں کے لوٹ مار کے تماشے ہوتے رہے،  لوگوں کی پگڑیاں اچھالنے ، شہدا کے خلاف غلیظ مہم چلانےاور اداروں میں بغاوت کے تماشے لگائے۔ 

مریم اورنگزیب کا کہنا تھا  کہ ذاتی سیاست پر قومی مفادات قربان کرنے کے  لیے  ، لوگوں کی پگڑیاں اچھالنے کے تماشے کئے، عمران صاحب اب آپ کے تماشے بند ہونے کا وقت ہو چکا ہے۔