عمران خان نے آج بھی سیاسی مصروفیات بچوں کی وجہ سے محدود کردیں

تفصیلات کے مطابق پی ٹی آئی کے حقیقی آزادی مارچ کا دوسرا مرحلہ کا تیسرا روز میں داخل ہوگیا ہے ، چیئرمین تحریک انصاف عمران خان زمان پارک میں موجود ہیں۔

عمران خان نےآج بھی سیاسی مصروفیات بچوں کی وجہ سےمحدودکردیں ، عمران خان زمان پارک میں اپنے بیٹوں قاسم اور سلمان کے ساتھ موجود ہیں، عمران خان آج بھی اپنا زیادہ وقت بچوں کے ساتھ گزاریں گے۔

ذرائع نے کہا ہے کہ عمران خان آج صرف چندمخصوص شخصیات سےملاقاتیں کریں گے اور شام 5 بجے کے بعد مارچ کے شرکا سے ویڈیو لنک پر خطاب کریں گے۔

زمان پارک کے اطراف سیکیورٹی کے سخت انتظامات کئے گئے ہیں جبکہ عمران خان کی سیکیورٹی کے لئے کے پی پولیس کے کمانڈوز تعینات ہیں اور معمول سےہٹ کر پولیس کی اضافی نفری تعینات کی گئی ہے۔