GNN on Google Play Store GNN on Apple App Store
جی این این سوشل

پاکستان

آج رات حلقہ بندیاں درست کر لیں، الیکشن کل کرالیں، وسیم اختر

کراچی: ایم کیو ایم رابطہ کمیٹی کے رکن وسیم اختر نے کہا ہے کہ آج رات حلقہ بندیاں درست کر لیں، الیکشن کل کرا لیں، ہم الیکشن سے بھاگ نہیں رہے ہیں، درست حلقہ بندیاں چاہتے ہیں۔
ایک سال پہلے

پر شائع ہوا

کی طرف سے

آج رات حلقہ بندیاں درست کر لیں، الیکشن کل کرالیں، وسیم اختر
جی این این میڈیا: نمائندہ تصویر

انہوں نے خواجہ اظہار الحسن کے ہمراہ پریس کانفرنس سے خطاب کرتے ہوئے کہا کہ ٹیکس دینے والے شہریوں کے مسائل کا حل نکالا جائے۔

سابق میئر کراچی وسیم اختر نے کہا کہ کئی بار وفاقی حکومت کو بھی یاد دہانی کرائی ہے مگر کچھ نہ ہوا، بلدیاتی نظام کو مضبوط ہونا چاہیے، بلدیاتی نظام کے معاملے پر ہم سپریم کورٹ گئے، ہم نے بلدیاتی نظام پر تمام جماعتوں سے بات چیت بھی کی۔

انہوں نے کہا کہ ووٹر لسٹوں میں خامیاں ہیں، حلقہ بندیوں میں بھی مسائل ہیں، حلقہ بندیوں میں ایم کیو ایم کا ووٹ بینک کم کیا گیا ہے، یہ جدوجہد سیاسی فائدہ اٹھانے کیلئے نہیں بلکہ کراچی کے مسائل کے حل کیلئے کر رہے ہیں۔

وسیم اختر نے کہا کہ میئر کوئی بھی آئے مگر مضبوط ہونا چاہئے جس کے پاس اختیارات ہوں، جماعت اسلامی اور پی ٹی آئی والے چاہتے ہیں بلدیاتی الیکشن جلد از جلد ہو جائیں، یوں لگتا ہے ان دونوں جماعتوں کو کسی نے کہہ دیا ہے کہ تم جیت جاؤ گے۔

ایم کیو ایم رابطہ کمیٹی کے رکن وسیم اختر نے کہا کہ کراچی کی ترقی کیلئے پی ٹی آئی کے اتحادی بنے تھے، سابق وزیراعظم عمران خان سے 4 سال کے دوران کئی میٹنگز ہوئیں، عمران خان کو کراچی کے مسائل کے حوالے سے کئی بار آگاہ کیا، ایم کیوایم نے پیپلزپارٹی کے ساتھ معاہدہ سندھ کے مسائل کے حل کیلئے کیا۔

انہوں ںے کہا کہ بلدیاتی نمائندوں کے پاس اختیارات نہیں ہیں اس سلسلے میں عدالت بھی گئے، عدالت نے کہا بلدیاتی نظام کو مضبوط ہونا چاہیے، ہماری ترجیح بلدیاتی نظام سے متعلق عدالتی فیصلے پرعملدرآمد کروانا ہے۔

وسیم اختر نے پریس کانفرنس سے خطاب کرتے ہوئے کہا کہ آصف زرداری اور بلاول بھٹو کے ساتھ میٹنگز میں بھی مطالبات رکھے گئے، آصف زرداری اور بلاول نے کہا ایم کیوایم کے مطالبات جائز ہیں عملدرآمد ہونا چاہیے، ذاتی مراعات کیلئے نہیں، عوامی مسائل کے حل کیلئے کوشش کر رہے ہیں۔

پڑھنا جاری رکھیں

تفریح

ہالی ووڈ کی معروف اداکارہ سوفی ٹرنر کے بچوں سے تعلقات بہتر ہونے لگے

دونوں فریق کے درمیان بہت سے معاملات پر مفاہمت ہوگئی ہے اور وہ تمام مسائل کے پرامن حل کی کوشش کر رہے ہیں
5 گھنٹے پہلے

پر شائع ہوا

ویب ڈیسک

کی طرف سے

ہالی ووڈ کی معروف اداکارہ سوفی ٹرنر کے بچوں سے تعلقات بہتر ہونے لگے

جونس برادرز کے معروف گلوکار جو جونس اور ہالی ووڈ کی معروف اداکارہ سوفی ٹرنر کے درمیان بچوں پر ہونے والے معاہدے کے بعد تعلقات بہتر ہونے لگے ہیں۔

عالمی خبررساں ادارے کے مطابق جو جونس کی جانب سے سوفی ٹرنر کے خلاف طلاق کے مقدمے کو خارج کرنے کی درخواست جمع کرائی گئی ہے۔

عدالتی ریکارڈ سے یہ بات سامنے آئی ہے کہ جو جونس اور سوفی ٹرنر، جنہوں نے 2019 میں شادی کی تھی، بچوں کی تحویل کے لیے عارضی معاہدے پر رضامندی ظاہر کی تھی جس کے بعد گلوکار نے 11 اکتوبر کو طلاق کا مقدمہ خارج کرنے کی درخواست بھی دائر کردی ہے ، بچوں کے معاملے پر ہونے والے معاہدے کے مطابق جو جونس اور سوفی ٹرنر نے عارضی تحویل کے انتظام پر اتفاق کیا  تھا جس میں واضح کیا گیا تھا کہ دونوں اپنی بیٹیوں کو باری باری تین ہفتوں کے لئے اپنی تحویل میں رکھ سکتے ہیں۔

واضح رہے کہ اس کے علاوہ دونوں فریق کے درمیان بہت سے معاملات پر مفاہمت ہوگئی ہے اور وہ تمام مسائل کے پرامن حل کی کوشش کر رہے ہیں۔

 

 

پڑھنا جاری رکھیں

کھیل

معروف باکسر عامر خان کو ایک دن کے لیے کیپٹن کا اعزاز

اس موقع پر باکسر عامر خان نے کہا کہ پاکستان آرمی نے ہمیشہ کھیلوں کے فروغ میں اہم کردار ادا کیا ہے
8 گھنٹے پہلے

پر شائع ہوا

ویب ڈیسک

کی طرف سے

معروف باکسر عامر خان کو ایک دن کے لیے کیپٹن کا اعزاز

معروف باکسر عامر خان کو باکسنگ کے میدان میں کامیابیوں کے اعتراف میں پاک فوج نے ایک دن کے لیے کیپٹن کے اعزازی عہدے سے نوازا ہے۔  

اس موقع پر باکسر عامر خان نے کہا کہ پاکستان آرمی نے ہمیشہ کھیلوں کے فروغ میں اہم کردار ادا کیا ہے۔  

انہوں نے کہا کہ وہ پاکستان میں کھیلوں کے فروغ کے لیے اپنا کردار ادا کرتے رہیں گے۔  انہوں نے نوجوان باکسرز کو تربیت دینے کے لیے پاکستان میں مزید باکسنگ اکیڈمیاں کھولنے کا ارادہ بھی ظاہر کیا۔

پڑھنا جاری رکھیں

صحت

پاکستان کے شعبہ صحت کا اعزاز ، ڈاکٹر شہزاد بیگ کا نام 100 عالمی رہنماؤں کی فہرست میں شامل

ڈاکٹر شہزاد بیگ پاکستان میں انسداد پولیو پروگرام کے نیشنل کوآرڈینیٹر ہیں
8 گھنٹے پہلے

پر شائع ہوا

ویب ڈیسک

کی طرف سے

پاکستان کے شعبہ صحت کا اعزاز ، ڈاکٹر شہزاد بیگ کا نام 100 عالمی رہنماؤں کی فہرست میں شامل

پاکستان کو شعبہ صحت میں ایک اور اعزاز حاصل ہوگیا، ڈاکٹر شہزاد بیگ کا نام 100 عالمی رہنماؤں کی فہرست میں شامل کرلیا گیا ہے۔

ٹائم میگزین کی 2024ء کی عالمی رہنماؤں کی فہرست میں ڈاکٹر شہزاد بیگ کا نام شائع کیا گیا ہے۔ڈاکٹر شہزاد بیگ پاکستان میں انسداد پولیو پروگرام کے نیشنل کوآرڈینیٹر ہیں۔ عالمی سطح پر یہ نامزدگی ڈاکٹر شہزاد بیگ کی قیادت اور پولیو کے خاتمے کے لیے کی گئی کوششوں کا اعتراف ہے۔

واضح رہے کہ ڈاکٹر شہزاد بیگ واحد پاکستانی ہیں جنہیں اس فہرست میں شامل کیا گیا گیا ہے۔پاکستان میں پولیو کے خاتمے کی کوششوں کے حوالے سے ٹیم کی قیادت کرنے سے قبل ڈاکٹر شہزاد بیگ نائجیریا میں پولیو کے خاتمے کے پروگرام کے لیے ٹیکنیکل ایڈوائزر کے طورپر خدمات سرانجام دے چکے ہیں، ان کی کوششوں کی وجہ سے نائجیریا کو 2020 میں پولیو سے پاک قرار دیا گیا ہے۔

ٹائم میگزین نے ڈاکٹر شہزاد بیگ کی کاوشوں کی تعریف کرتے ہوئے کہا کہ ان کی قیادت میں حکومت نے صرف ایک سال میں 9 کروڑ سے زائد بچوں کو ٹیکہ لگانے کے لیے 4 لاکھ ویکسی نیٹرز اور 80 ہزار سکیورٹی اہلکار تعینات کیے ہیں۔

 

 

پڑھنا جاری رکھیں

ٹرینڈنگ

Take a poll