اسلام آباد میں تیندوے کی موجودگی، خصوصی احتیاطی تدابیر اختیار کرنے کی ہدایت

ترجمان وائلڈ لائف کے مطابق موسم سرما میں تیندوا مارگلہ ہلز کی دیہی آبادی کے قریب اکثر دیکھا جاتا ہے، مقامی آبادی اور سیاح غیر ضروری نقل و حرکت سے اجتناب کریں۔

ترجمان وائلڈ لائف کے مطابق مقامی آبادیوں کے افراد مویشی جنگل کی طرف چرائی کے لیے نہ بھیجیں، جنگل کے قریب بچے، عورتوں اور ضعیف افراد غیر ضروری طور پر گھروں سے نہ نکلیں۔

اسلام آباد وائلڈ لائف کے مطابق رات کے اوقات کے دوران مال مویشی کو چار دیواری کے محفوظ مقام پر باندھیں۔

ترجمان اسلام آباد وائلڈ لائف کے مطابق تیندوے کو نقصان پہنچانا قانونی طور پر جرم ہے، ایسا کرنے پر سزا یا جرمانہ ہوسکتا ہے۔