صدر ، وزیراعظم سے آرمی چیف جنرل قمر جاوید باجوہ کی الوداعی ملاقاتیں

تفصیلات کے مطابق آرمی چیف جنرل قمرجاوید باجوہ نے وزیراعظم شہبازشریف سے ملاقات کی ہے ، وزیراعظم شہباز شریف نے جنرل قمر جاوید باجوہ کی خدمات کو سراہا ۔

وزیراعظم کی جانب سے آرمی چیف کے اعزاز میں ظہرانےکا بھی اہتمام  کیا گیا ۔ 

صدر مملکت  ڈاکٹرعارف علوی  نے بھی چیف آف آرمی اسٹاف  جنرل قمر جاوید باجوہ سے  ایوانِ صدر میں الوداعی ملاقات کی ،  صدر مملکت نے جنرل قمر جاوید باجو ہ کی دفاعی شعبے میں خدمات کو سراہا۔

صدر مملکت نے جنرل قمر جاوید باجو ہ کی ملک اور پاک فوج کیلئے خدمات کی بھی تعریف کی ، انہوں  نے جنرل قمر جاوید باجوہ کے مستقبل کیلئے نیک تمناؤں کا اظہار کیا۔ 

واضح رہے کہ جنرل قمر جاوید باجوہ کو 29 نومبر 2016ء کو ان کے پیشرو جنرل راحیل شریف کی جانب سے پاک فوج کی کمان سونپی گئی تھی۔سابق وزیرِ اعظم عمران خان کی جانب سے جنرل قمرجاوید باجوہ کو بطور آرمی چیف مدتِ ملازمت میں 3 سال کی توسیع دی گئی تھی۔

آرمی چیف جنرل قمر جاوید باجوہ اپنی مدت پوری ہونے پر کل 29 نومبر کو ریٹائر ہو رہے ہیں۔ 

پاک فوج میں کمان کی تبدیلی کی پروقار تقریب کل ہو گی ۔ جنرل قمرجاوید باجوہ چھڑی جنرل عاصم منیر کو سونپیں گے ۔ جی ایچ کیو میں ہونےوالی تقریب میں سابق عسکری قیادت بھی شریک ہوگی ۔ 

 جنرل عاصم منیر پاک فوج کے سترہویں آرمی چیف ہیں ۔