افغانستان: شہر ایبک کی درسگاہ میں دھماکا، 23 افراد جاں بحق

غیرملکی خبررساں ادارے کے مطابق افغانستان کے شمالی شہر ایبک کی درسگاہ میں دھماکے کے نتیجے میں 23 افراد جاں بحق اور 30 سے زائد زخمی ہوگئے۔

مقامی حکام کے مطابق دھماکا ظہر کی نماز کے دوران ہوا، جس کی وجہ سے ہلاکتوں میں اضافے کا خدشہ ہے۔

حکام نے بتایا کہ اب تک 23 افراد کی موت کی تصدیق ہوچکی ہے، جب کہ 30 افراد کو زخمی حالت میں اسپتال منتقل کیا جاچکا ہے، جن میں سے بعض کی حالت تشویشناک ہے۔