برطانیہ میں آج شدید برفباری کی پیشگوئی

برطانوی  میڈیا کے مطابق  برطانیہ میں آج سے  شدید برفباری کی پیشگوئی کی گئی ہے ، درجہ حرارت منفی 10 ڈگری سینٹی گریڈ تک گر سکتا ہے۔

ہیلتھ سیکیورٹی ایجنسی نے سرد موسم کے تیسرے درجے کا الرٹ جاری کردیا ہے۔

گزشتہ روز برطانیہ کے بعض علاقوں میں توقع سے زیادہ برف باری اور شدید سردی نے کاروبار زندگی کو معطل کردیا۔

اسکاٹش ہائی لینڈز میں درجہ حرارت منفی 9 تک چلا گیا ، کئی مقامات پر گاڑیاں برف میں پھنس گئیں، بس سروسز میں بھی خلل پڑا، ایبر ڈین ایئر پورٹ پر کئی پروازیں تاخیر کا شکار ہوئیں۔

ماہرین کا کہنا ہے کہ سرد موسم صحت کے لیے سنگین نتائج کا باعث بن سکتا ہے، بوڑھے افراد، دل اور پھیپھڑوں کے مریض خاص طور پر خطرے میں ہوسکتے ہیں۔