پاکستان اورانگلینڈکے مابین دوسرا ٹیسٹ میچ آج سےملتان میں کھیلاجائے گا

تفصیلات کے مطابق ملتان کرکٹ اسٹیڈیم 16 سال بعد آج ٹیسٹ میچ کی میزبانی کررہا ہے جہاں پاکستان اور انگلینڈ کی ٹیمیں سیریز کے دوسرے ٹیسٹ میں مدمقابل ہوں گی۔

 میچ پاکستان کے معیاری وقت کے مطابق دن دس بجے شروع ہوگا۔

گزشتہ روز دونوں ٹیموں نے ملتان کرکٹ اسٹیڈیم میں پریکٹس کی، دھند کے باعث ٹریننگ سیشن تاخیر سے شروع ہوئے۔

انگلش کھلاڑیوں نے فزیکل ٹریننگ کے ساتھ بولنگ اور بیٹنگ کی پریکٹس کی تھی ، انگلش کپتان اور کوچ نے ٹیسٹ کےلیے تیار کی گئی پچ کا جائزہ بھی لیا تھا۔

دوسری جانب پاکستان ٹیم نے بھی پریکٹس بھرپور انداز میں کی ۔

 آج قومی ٹیم کی حتمی الیون میں کون کھیلے گا کون ڈراپ ہو گا اس بات کا فیصلہ ٹاس سے قبل کیا جائے گا۔

واضح رہے کہ مہمان ٹیم انگلینڈ کو 3 ٹیسٹ میچز کی سیریز میں ایک صفر کی برتری حاصل ہے۔