چالان سے بچنے کیلئے ڈرائیور نےٹریفک اہلکارکو 4 کلو میٹر تک گاڑی کیساتھ گھسیٹا

بھارتی میڈیا رپورٹ کے مطابق یہ واقعہ بھارت کی ریاست مدھیہ پردیش کے اندور شہر میں پیش آیا، جہاں ٹریفک ہیڈ کانسٹیبل ڈرائیور کو گاڑی چلاتے ہوئے موبائل فون پر بات کرتے دیکھ کر اسے روکنے کا اشارہ کرتا ہے۔

بھارتی میڈیا کے مطابق ڈرائیور کو اہلکار  رکنے کا اشارہ کرتا ہے لیکن وہ نہ صرف گاڑی روکنے سے انکار کرتا ہے بکلہ کانسٹیبل کو 4 کلو میٹر تک گھسیٹتے ہوئے لے جاتا ہے۔

#WATCH मध्य प्रदेश: इंदौर में एक कार चालक ने एक ट्रैफिक सिपाही को कार के बोनट पर घसीटा। वीडियो CCTV का है। pic.twitter.com/V4I0lov8Xv

— ANI_HindiNews (@AHindinews) December 12, 2022

ویڈیو میں دیکھا جاسکتا ہے کہ کانسٹیبل بونٹ کو مضبوطی سے تھامے ہوا  ہے جبکہ ایک اور شخص اہلکار کو بچانے کے لیے کار کے پیچھے پیچھے بھاگتا ہے اور ڈرائیور کو روکنے کا اشارہ کرتا ہے۔

اطلاعات کے مطابق پولیس کو تیز رفتار گاڑی کو روکنے اور ڈرائیور کو پکڑنے کے لیے گھیرنے پر مجبور کیا گیا، ملزم کے قبضے سے ایک پستول اور ایک ریوالور بھی برآمد ہوئی ہے جبکہ ملزم کے خلاف ایف آئی درج کرنے کے بعد گرفتار کر لیا گیا ہے۔