بھوٹان : ریکارڈ مدت میں 60 فیصد آبادی کی ویکسینیشن مکمل

تفصیلات کے مطابق  بھارت اورچین  کے درمیان موجود اس  ملک نے اپنی 7 لاکھ 70 ہزار نفوس پر مشتمل آبادی میں سے 4 لاکھ 70  کو کورونا ویکسین کی پہلا شاٹ دے دیا  گیا ہے۔ بھوٹان کو بھارت کی جانب سے آسٹرا زینیکا  کی ویکسین عطیہ کی گئی تھی۔ بھوٹان نے ریکارڈ وقت میں اپنی 60 فیصد آبادی کو کورونا ویکسین لگانے کا عمل مکمل  کردیا ہے ۔

27 مارچ کو بھوٹان نے کورونا ویکسین مہم کے آغاز پر 5 لاکھ 33 ہزارافراد  کو 9روز میں کورونا ویکسین لگانے کا ہدف   طے کیا تھا جس میں حاملہ خواتین، اور دیگربیماریوں میں مبتلا مریض شامل نہیں تھے۔تاہم صرف ایک ہفتے میں ہی بھوٹان نے 60 فیصد آبادی کو ویکسین لگا دی  اور اب تک  بھوٹان نے  7 لاکھ 70 ہزار  آبادی میں سے 4 لاکھ ہزار افراد 70  کو کورونا ویکسین  لگانے کا عمل مکمل کیا ہے ۔

بھوٹان کی جانب سے  اپنے شہریوں کو کورونا سے بچاؤ کیلئے  ویکسین فراہم  کرنے کی اس  رفتار  کے بعد  60 فیصد کا ہدف پورا کرنے والے ممالک   پیچھے رہ گئے ہیں ۔بھوٹان کی وزارت صحت کے ایک ترجمان نے اے ایف پی کو بتایا  ہے کہ ہیلتھ کیئر آفیسرز اب 70 سال سےزائد  عمر والے افراداور  معذور  شہریوں کو ویکسین کی فراہمی پر توجہ دے رہے ہیں ۔

بھوٹان میں اب تک کورونا کے 896 کیسز ریکارڈ ہوئے ہیں۔