برطانیہ کے شہزادہ فلپ 99 سال کی عمر میں انتقال کر گئے

تفصیلات کے مطابق ملکہ برطانیہ الزبتھ دوم کے شوہر    شہزادہ فلپ  99 سال  کی عمر میں انتقال  کرگئے ۔ بکنگھم پیلس نے بھی شہزادہ فلپ کے انتقال کی تصدیق کرتے ہوئے بتایا کہ شہزادہ فلپ کا انتقال آج صبح قلعہ ونڈسر میں ہوا۔ ڈیوک ایڈنبرا شہزادہ فلپ کی طبیعت  کچھ عرصے سے ناساز تھی ۔ کچھ عرصے قبل ان کی   دل کی کامیاب   سرجری ہوئی تھی  جس کے بعد انہیں  گھر منتقل کر دیا گیا تھا۔

شہزادہ فلپ بیماری اور عمر کی زیادتی کے باعث اگست 2017 میں شاہی ذمہ داریوں سے دستبردار ہو گئے تھے۔

واضح رہےکہ شہزادہ فلپ اور الزبتھ دوم کی شادی 1947 میں ہوئی تھی اور دونوں کے 4 بچے ہیں۔  جن سے 8  پوتے اور پوتیاں اور دس پڑپوتے ہیں۔