دنیا بھر میں کورونا کے وار جاری ، اموات 29لاکھ سے متجاوز

تفصیلات کے مطابق  دنیا بھر میں کورونا کا قہر برقرار، مریضوں اور اموات میں مسلسل اضافہ جاری ہے۔ دنیا بھر میں گزشتہ 24 گھنٹوں کے دوران کورونا وائرس کے 8 لاکھ سے زائد نئے کیسز سامنے آئے ہیں ۔  کورونا وائرس کے دنیا بھر میں 2 کروڑ 35 لاکھ 8ہزار 212 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 1 لاکھ2 ہزار69 کی حالت تشویش ناک ہے  ۔

کورونا وائرس کے کیسز اور  اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکا تا حال پہلے نمبر پر ہے ،  امریکہ میں کورونا سے مرنے والوں کی کل تعداد 5 لاکھ 74  ہزار 840 تک پہنچ گئی ہے جبکہ 3 کروڑ 18 لاکھ 2 ہزار سے زائد متاثر ہیں۔ کورونا  کے مریضوں کی تعداد کے حوالے سے ممالک کی اس فہرست میں برازیل دوسرے نمبر پر آ گیا ہے۔ برازیل میں کورونا سے متاثرہ افراد کی تعداد ایک کروڑ 33 لاکھ 75 ہزار سے زائد ہو گئی ہے اور 3 لاکھ 48 ہزار 934 افراد ہلاک ہوچکے ہیں۔برازیل  میں ہلاکتوں کی بڑھتی ہوئی تعداد کےباعث قبرستانوں میں  گنجائش ختم   ہوگئی ہے اور  پرانی قبروں کو دوبارہ کھود کردفنانےکاسلسلہ شروع کیا گیا  ۔

ایک ارب سے زائد آبادی والا ملک بھارت کورونا وائرس کے مریضوں کی تعداد کے اعتبار سے تیسرے نمبر پر آگیا ہے، جہاں  کورونا سے متاثرہ افراد کی تعداد ایک کروڑ 32 لاکھ 2 ہزار سے زائد ہے اور ایک لاکھ 68 ہزار 467 افراد جان کی بازی ہار چکے ہیں۔فرانس میں 49 لاکھ 80 ہزار سے زائد افراد متاثر اور 98 ہزار 395 جان کی بازی ہار چکے ہیں۔فرانس میں کیسز بڑھنے پر 6 سے زائد لوگوں کے ایک جگہ جمع ہونے پر پابندی لگا دی گئی۔روس میں 46 لاکھ 23 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد ایک لاکھ سے تجاوز کرچکی ہے ۔برطانیہ میں 43 لاکھ 65 ہزار سے زائد افراد کورونا سے متاثر ہیں اور ایک لاکھ 27 ہزار سے زائد  اموات ہوچکی ہیں۔ اٹلی میں 37 لاکھ 36 ہزار افراد متاثر ہیں جبکہ ایک لاکھ 13 ہزار 579 افراد ہلاک ہو چکے ہیں۔  اٹلی میں بڑھتے  کورونا کیسز   کے باعث ایسٹر کے موقع پر لاک ڈاؤن بھی نافذ کیا گیا ہے ۔ ترکی میں 37 لاکھ 45 ہزار سے زائد افراد متاثر اور 33 ہزار 454 اموات ہوئی ہیں۔

دنیا بھر میں کورونا سے صحت یاب ہونے والوں کی تعداد 10 کروڑ89لاکھ سے زائد  ہوچکی ہے ۔

واضح رہے کہ کورونا وائرس سال 2019 دسمبر میں چین میں رپورٹ ہوا،  11 مارچ  2020 کو اسے ’’عالمی وبا‘‘ قرار دیا گیا۔ اب تک 185سے زائد ممالک اس عالمی وبا کا شکار ہوچکے ہیں۔