اقوام متحدہ کا کولمبیا میں جنگ بندی کے اعلان کا خیر مقدم

خبررساں ادارے کے مطابق اقوام متحدہ کے سیکرٹری جنرل انتونیو گوتریش نے کولمبیا کی حکومت اور 5مسلح گروپوں کے درمیان6 ماہ کی جنگ بندی کے اعلان کا خیرمقدم کیا۔

اقوام متحدہ کے سربراہ کے ترجمان سٹیفن ڈوجارک نے ایک بیان میں کہا کہ جنگ بندی ایک ایسی پیشرفت ہے جو کولمبیا کے عوام کے لیے نئے سال کے آغاز کے ساتھ امن کی نئی امید لے کر آتی ہے۔

انہوں نے کہا کہ سیکرٹری جنرل کا بھروسہ ہے کہ ان وعدوں پر عمل کرنے سے تشدد اور تنازعات سے متاثرہ کمیونٹیز کے مصائب میں کمی آئے گی ۔

 بیان میں کہا گیا ہے کہ سیکرٹری جنرل نے مکمل اور دیرپا امن کے حصول کے لیے کولمبیا کی کوششوں کے لیے اقوام متحدہ کی حمایت کا اعادہ کیا۔ 

واضح رہے کولمبیا کے صدر گستاو پیٹرو نے نئے سال کے موقع پر 1 جنوری سے 30 جون 2023 تک پانچ باغی گروپوں کے ساتھ دوطرفہ جنگ بندی کے معاہدوں کا اعلان کیا۔