جنوبی وزیرستان میں سیکیورٹی فورسز کا آپریشن ، 11 دہشتگرد ہلاک

پاک فوج  کے شعبہ تعلقات عامہ  (آئی ایس پی آر) کے مطابق سکیورٹی فورسز نے جنوبی وزیرستان کے علاقے وانا میں انٹیلی جنس بیسڈ آپریشن کیا، شدید فائرنگ کے تبادلے میں 11 دہشتگرد ہلاک  ہوگئے ۔ 

آئی ایس پی آر کے مطابق  فورسز نے دہشت گردی کی بڑی کوشش ناکام بنادی ،  دہشت گرد کمانڈر حفیظ اللہ عرف تور حافظ  اور 2 خودکش بمباروں سمیت 11 دہشت گرد مارے گئے ۔

آئی ایس پی آر کے مطابق  ہلاک دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔

آئی ایس پی آر  نے مزید بتایا  کہ  ہلاک  دہشت گرد ضلع جنوبی وزیرستان میں سیکیورٹی فورسز کے خلاف دہشت گردی کی کارروائیوں اور پولیس کی ٹارگٹ کلنگ میں ملوث تھے ۔