ڈریپ نے انجکشن پیراسٹ (پیراسیٹامول) کوغیرمعیاری قراردے دیا

سینٹرل ڈرگ لیبارٹری ڈریپ نے انجکشن پیراسٹ ( پیراسیٹامول ) کوغیرمعیاری قراردے دیا،انجکشن میں کالے رنگ کے ذرات انسانی آنکھ سے  دیکھے جا سکتے ہیں۔

سینٹرل ڈرگ لیبارٹری ڈریپ نے انجکشن پیراسٹ ( پیراسیٹامول ) کوغیر معیاری  قرار دے دیا ہے، ڈریپ کے مطابق پیراسٹ 100 ایم ایل انجکشن  اور بیج نمبرسی جے 170غیرمعیاری ہے،

اسٹینڈ فارما کا انجکشن پیراسٹ ( پیراسیٹامول ) 100 ایم ایل غیر معیاری ہے، انجکشن میں کالے رنگ کے ذرات انسانی آنکھ سے  دیکھے جا سکتے ہیں۔ 

دوسری جانب وفاقی کابینہ نے 20 ادویات کی قیمتوں میں کمی کی منظوری دے دی ہے ۔ ترجمان وزارت صحت نے تصدیق کی کہ وفاقی وزیر صحت عبدالقادر پٹیل کی سفارش پر کیبنٹ نے 20 ادویات کی قیمتوں کی کمی کی منظوری دے دی۔ 

ترجمان وزارت صحت کے مطابق زیادہ تر ادویات کی قیمتوں میں کمی 30 فی صد ہوئی ہے۔ ترجمان وزارت صحت کے مطابق مختلف بیماریوں میں استعمال ہونے والی ادویات کی قیمتوں میں کمی لوگوں کو ریلیف فراہم کرنے کی جانب ایک اور قدم ہے ۔

عبد القادر پٹیل نے کہا کہ بلڈ پریشر، کینسر اور آنکھوں کی بیماریوں میں استعمال ہونے والی ادویات کی قیمتوں میں کمی کی گئی ہے، 54 نئی ادویات کی قیمتیں فکس کرنے کی بھی منظوری دی گئی ہے ،یہ نئی ادویات کینسراور مختلف بیماریوں میں استعمال ہوں گی ۔

ترجمان نے بتایا کہ کابینہ نے 54 نئی ادویات کی قیمتیں فکس کرنے کی بھی منظوری دی ہے۔ترجمان کے مطابق پی ٹی آئی حکومت نے ادویات کی قیمتوں میں 700 فیصد تک اضافہ کیا جبکہ وزارت صحت ڈریپ میں میرٹ اور شفافیت کے نظام کو فروغ دینے کیلئے پر عزم ہیں۔