پاکستان ریلوے حکام کے مطابق ملک بھر میں پٹرولیم مصنوعات کی قیمتوں میں بڑھتے ہوئے اضافہ کے پیش نظر ریلوے کے کرائے بھی بڑھادئے گئے ۔

ریلوے حکام کے مطابق ملک بھر میں مختلف شہروں کے مابین چلنے والے مسافر ٹرینوں کے کرایوں میں تقریباً8 سی10 فیصد اضافہ کیا گیا ہے۔ 

پاکستان ریلوے نے ملک بھر میں ٹرینوں کے لئے نیا کرایہ نامہ جاری کردیا ہے جس پر آج 6 فروری 2023سے عملدرآمد شروع کیا جائے گا۔

ریلوے حکام کے مطابق کوہاٹ سے راولپنڈی جانے والے کوہاٹ ایکسپریس کے کرایہ میں بھی تقریباً نو(9) فیصد اضافہ کیا گیا ہے اور کوہاٹ سے راولپنڈی جانے والی ٹرین کا یکطرفہ کرایہ اب 350 روپے سے بڑھ کر 380 روپے ہوگیا ہے۔

ایک محتاط اندازے کے مطابق نومبر2021 سے جنوری 2023 تک پندرہ ماہ کے عرصہ میں پاکستان ریلوے نے مسافر ٹرینوں کے کرایوں میں مجموعی طورپر65 فیصد اضافہ کردیا ہے۔

ترکیہ، شام، زلزلے نے تباہی مچادی ہے، اب تک کی اطلاع کے مطابق ہونے والی اموات 400 کے قریب جا پہنچیں ہیں، مزید ہلاکتیں  بڑھنے کا خدشہ بھی ظاہر کیا جار ہا ہے۔

ترکیہ: زلزلے کا مرکز ترکیہ کے جنوب میں غازیانٹپ صوبے کے علاقے نرداگی میں  تھا، امریکی جیولوجیکل سروے کے مطابق زلزلے کی شدت 7.8 ریکارڈ کی گئی ہے۔

زلزلے سے کہرمان، عثمانیہ، ملاطیا، دریار بکر سمیت 10 شہر زیادہ متاثر ہوئے، زلزلے کے جھٹکے قبرص، یونان، اردن، لبنان، جارجیا اور آرمینیا میں بھی محسوس کئے گئے۔

زلزلے کی گہرائی 17اعشاریہ 9 کلومیٹرتھی، شدید زلزلے کے سبب عمارتوں کو شدید نقصان پہنچا ہے۔

انقرہ: زلزلے کے جھٹکے قبرص، لبنان اور شام میں بھی محسوس کیے گئے،زلزلے کے شدید ترین جھٹکے ایک منٹ تک محسوس کیے گئے، جھٹکوں کے باعث لوگ سڑکوں پر نکل آئے۔

وزیراعظم پاکستان محمد شہباز شریف نے کہا کہ پاکستانی حکومت اور عوام مشکل کی اس گھڑی میں برادر ملک ترکیہ کی حکومت اور عوام کے ساتھ ہیں۔ ترکیہ نے ہر مشکل میں ہمیشہ پاکستان کا ساتھ دیا ہے۔ پاکستان اپنے برادر ملک ترکیہ کے عوام اور حکومت کی ہر ممکن مدد کرے گا۔

وزیراعظم کا ٹویٹ:

We send our heartfelt condolences & most sincere sympathies to the government and the people of Syria who have suffered major human and material losses from the devastating earthquake early this morning. 🇵🇰 🇸🇾

— Shehbaz Sharif (@CMShehbaz) February 6, 2023

Deeply saddened by the news of a massive earthquake that struck southeastern region of Türkiye. I send my profound condolences & most sincere sympathies to my brother President @RTErdogan & brotherly people of Türkiye on the loss of precious lives & damage to infrastructure.

— Shehbaz Sharif (@CMShehbaz) February 6, 2023

ایران کے رہبر اعلی آیت اللہ خامیہ ای نے ملک میں ہونیوالے حالیہ مظاہروں میں گرفتار افراد سمیت ہزاروں قیدیوں کو معافی دیدی۔

ایرانی میڈیا کے مطابق قیدیوں کے لیے معافی کی استدعا عدلیہ کی جانب سے کی گئی، معاف کیے جانے والے قیدیوں میں حالیہ مظاہروں میں گرفتار مظاہرین بھی شامل ہیں۔

معافی پانے والوں میں دوہری شہریت والے اور غیرملکی ایجنسیوں اور ایران مخالف گروپوں کیلئے جاسوسی کرنیوالے قیدی شامل نہیں

میڈیا رپورٹس کے مطابق رہائی پانے والوں میں دوہری شہریت والے قیدی شامل نہیں ہیں، رہبر اعلی کی جانب سے غیرملکی ایجنسیوں اور ایران مخالف گروپوں کے لیے جاسوسی کرنے والے ملزمان کو بھی معافی نہیں دی گئی۔