اسلام آباد: وفاقی وزیرماحولیاتی تبدیلی سینیٹر شیری رحمن نے کہا ہے کہ بیرون ملک سے بڑی بلیوں سمیت دیگرایسے جانور جن کی پرورش پاکستان میں نہیں ہوسکتی کی درآمد پر پابندی عائد کردی ہے۔

ملک میں 44نیشنل پارکس کی نشاندہی کی گئی ہے، ان کے پی سی ون کےلئے صوبوں نے بھی فنڈز دینے ہیں ان کا انتظار کیا جارہا ہے، فنڈز کی کمی کی وجہ سے کئی محکموں میں تقرریوں پر پابندی عائد ہے۔

جمعہ کو ایوان بالا میں وقفہ سوالات کے دوران سیمی ایزدی کے سوال کے جواب میں ایوان کو بتایا گیا کہ ملک بھرمیں 44 محفوظ علاقے قرار دیئے گئے ہیں جن میں گلگت بلتستان میں 23، بلوچستان ایک اورسندھ میں 2 شامل ہیں۔

اس کے پی سی ون صوبوں سے آنے ہیں ان کا انتظارکیا جارہا ہے۔ ہماری تیاری مکمل ہے ، پارکس میں توسیع بھی ہوسکتی ہے۔ انہوں نے کہا کہ فنڈزکی کمی کی وجہ سے یہاں تقرریاں بھی نہیں کی جارہیں۔

یہ ہمارے قدرتی وسائل ہیں، گرین کلائیمیٹ فنڈ سے پاکستان کو کم پیسے ملتے ہیں اس کےلئے ہم نے مستقل کیس لڑا ہے، ان نیشنل پارکس کی دیکھ بھال صوبوں نے کرنی ہے۔

انہوں نے کہاکہ زیادہ تر گرانٹس قرض کی مد میں دی جارہی ہیں ہم نے یہ سوال اٹھایا ہے کہ یہ گرانٹ ہونی چاہئے۔ انہوں نے کہا کہ کمیونٹی ہنٹنگ سب سے زیادہ بلوچستان میں ہورہی ہے، ہم نے باہر سے بڑی بلیوں سمیت دیگرایسے جانور جن کی پرورش پاکستان میں نہیں ہوسکتی کی درآمد پر پابندی عائد کی ہے۔

اسلام آباد سے ایک بنگال ٹائیگر برآمد ہواجو غیرقانونی طور پر یہاں لایا گیا ،یہاں موافق آب ہوا نہ ہونے کی وجہ سے ہلکان ہے، اس کوافریقہ یا کسی مناسب ملک میں بھجوائیں گے۔

انہوں نے کہاکہ ہم نے یہ اصول بنایا ہے کہ جو پرندہ باہر سے کسی جہاز میں کوئی لائے گا وہ وہی واپس لے جاسکے گا،اس کےلئے چپ دکھانا لازمی ہوگی۔وزارت ماحولیاتی تبدیلی کا بجٹ سیلاب کے بعد زندگی بچانے والے منصوبوں کےلئے مختص کیا گیا ہے۔

انہوں نے بتایا کہ ملک میں پلاسٹک کے استعمال پر ہمارے مطالبے پر سینیٹ نے پابندی لگائی ، اس پر چیئرمین سینٹ کے شکرگزار ہیں، ملک میں پلاسٹک کا فضلہ جمع کریں تو 2 کے ٹو پہاڑ بن جائیں گے۔ انہوں نے کہاکہ الیکٹرک گاڑیوں کے حوالے سے ہمارے پاس کوئی مینوفیچرنگ کمپنی نہیں ہے، ہمیں الیکٹرک وہیکل پالیسی کا نچلی سطح سے آغاز کرنا ہوگا۔

رپورٹ کے مطابق سوشل میڈیا پلیٹ فارم ٹوئٹر نے جمعرات کو قانونی تقاضہ پورا کرتے ہوئے بھارت میں پاکستانی حکومت کے ٹوئٹر اکاؤنٹ پر پابندی لگادی، اب یہ اکاؤنٹ بھارت میں نہیں دیکھا جاسکے گا۔

نجی ٹی وی نے برطانوی خبر رساں ادارے کے حوالے سے خبر شائع کی ہے جس میں کہا گیا ہے کہ ٹوئٹر ضوابط کے تحت یہ ضروری ہے کہ جائز قانونی تقاضے، جیسا کہ عدالتی حکم کے تحت پورے ٹوئٹر اکاؤنٹ پر پابندی لگادی جائے۔

خبر رساں ادارے نے تصدیق کی ہے کہ پاکستانی حکومت کا ٹوئٹر اکاؤنٹ امریکا اور کینیڈا جیسے ممالک میں دیکھے جانے اور رابطے کیلئے دستیاب ہے۔

غیر ملکی نیوز ایجنسی کا دعویٰ ہے کہ ٹوئٹر اور پاکستان کی وزارت انفارمیشن ٹیکنالوجی سے تبصرے کیلئے رابطہ کیا گیا تاہم فوری طور پر کوئی جواب موصول نہیں ہوا۔

اسلام آباد: سپریم کورٹ آف پاکستان کا پانچ رکنی بینچ جمعہ کو دوبارہ تحلیل ہوگیا جب جسٹس جمال خان مندوخیل نے پنجاب اور خیبر پختونخواہ کے انتخابات کی تاریخ میں تاخیر کے کیس کی سماعت سے خود کو بچا لیا۔

تفصیلات کے مطابق چیف جسٹس پاکستان (سی جے پی) عمر عطا بندیال کی سربراہی میں 4 رکنی بینچ جسٹس اعجاز الاحسن، جسٹس منیب اختر اور جسٹس جمال خان مندوخیل پر مشتمل تھا۔

جسٹس جمال نے اختلافی نوٹ جاری کیا تھا جس میں کہا گیا تھا کہ یہ حکم کھلی عدالت میں نہیں لکھا گیا اور آرڈر لکھتے وقت ان سے مشاورت نہیں کی گئی۔

ان کے نوٹ میں مزید کہا گیا کہ جسٹس قاضی فائز عیسیٰ کے فیصلے پر کھلی عدالت میں نظرثانی کی جائے۔

تاہم چیف جسٹس عمر نے کہا کہ کچھ عرصے میں دوبارہ بنچ تشکیل دیا جائے گا۔

اس سے قبل جمعرات کو سپریم کورٹ کا پانچ رکنی لارجر بنچ تحلیل ہو گیا تھا کیونکہ جسٹس امین الدین خان نے پنجاب اور خیبر پختونخواہ (کے پی) میں انتخابات کی تاریخ میں تاخیر کے کیس کی سماعت سے معذرت کر لی تھی۔

جسٹس امین الدین نے فیصلہ جسٹس فائز عیسیٰ کیس کے بعد واضح کیا۔

کوئی تفصیلات فراہم کیے بغیر، انہوں نے واضح طور پر کہا: ’’میں بینچ پر نہیں بیٹھ سکتا‘‘۔

توقع کی جارہی تھی کہ انتخابات کی تاریخ کا حتمی اعلان آج کی سماعت میں کیا جائے گا جو آج (جمعہ کو) 11:30 بجے شروع ہونا تھا۔ گزشتہ تین دنوں سے سماعت جاری تھی۔

قابل ذکر بات یہ ہے کہ عدالت نے 1 مارچ کو جو فیصلہ دیا تھا اسے 3-4 یا 2-3 کے مارجن سے تقسیم کیا گیا تھا۔ تاہم توقع ہے کہ اٹارنی جنرل حتمی فیصلہ سنانے میں عدالت کی معاونت کریں گے۔