یوکرین کو ٹینک فراہم کرنیوالے ممالک ہمارے نشانے پر آجائیں گے،روس

ماسکو: روس کی جانب سے جاری کردہ بیان میں کہا گیا ہے کہ  ٹینک سپلائی کرنے والے ممالک ممکنہ اہداف بن سکتے ہیں، نیٹو کے جنگی ٹینکوں کی یوکرین کو فراہمی اس جنگ میں امریکہ اور یورپ کی شمولیت کا ثبوت ہے۔

کاراگانوف نے جنگ میں روس کی فتح کی پیش گوئی کرتے ہوئے کہا کہ یوکرین فوج تباہ اور ملک مکمل طور پر فوج سے پاک اور وہاں نئے نازی دور کا خاتمہ ہو جائے گا۔

غیر ملکی خبر رساں ادارے کے مطابق کریملن کے ترجمان دمتری پیسکوف نے جمعرات کو کہا کہ ہم واضح طورامریکہ اور یورپ کو اس تنازع میں براہ راست ملوث ہونے کے طور پر دیکھتے ہیں۔

روس کے صدر ولادیمیر پوٹن کے سابق مشیر سرگئی کاراگانوف نے کہا کہ یوکرین کو ہتھیاروں کی فراہمی ان ممالک کے خلاف ممکنہ فوجی جوابی کارروائی کا نتیجہ ہو سکتی ہے۔

کاراگانوف نے نیٹو پر یوکرین جنگ شروع کرنے کا الزام  لگاتے ہوئے  کہا کہ یہ قطعی طور پر ایک روسی یوکرین جنگ نہیں ہے، یہ ایک روسی، مغربی جنگ ہے جس میں یوکرین کو استعمال کیا جا رہا ہے۔