الیکشن کمیشن نے آئندہ انتخابات کیلئے ضابطہ اخلاق کا مسودہ تیار کر لیا

ذرائع کے مطابق الیکشن کمیشن نے ضابطہ اخلاق پر سیاسی جماعتوں سے مشاورت کا فیصلہ بھی کیا ہے ۔ذرائع کا کہنا ہے کہ الیکشن کمیشن نے 21 بڑی سیاسی جماعتوں کے سربراہان کو 2 فروری کو بلا لیا ہے جبکہ الیکشن کمیشن سیاسی جماعتوں سے ضابطہ اخلاق پر مشاورت اور تجاویز مانگے گا۔

واضح رہے کہ چیف الیکشن کمشنر کی زیر صدارت اہم  اجلاس 2فروری دن 2بجے ہوگا۔ جس کیلئے  21 جماعتوں کو دعوت نامے ارسال کئے جاچکے ہیں۔