Advertisement

امریکا یو اے ای کو 23.23 بلین ڈالر کا اسلحہ فروخت کرنے کیلئے تیار

امریکی صدر جو بائیڈن کی انتظامیہ نے کانگریس کو بتایا ہے کہ وہ یو اے ای کو 23 بلین ڈالر کا اسلحہ فروخت کرنے پر کام کر رہی ہے۔

GNN Web Desk
شائع شدہ 6 سال قبل پر اپریل 15 2021، 1:25 شام
ویب ڈیسک کے ذریعے

غیر ملکی خبر رساں ادارے کے مطابق  بائیڈن انتظامیہ کے مشیر نے بتایا کہ متحدہ عرب امارات کو فروخت کیے گئے اسلحے میں ایف 35 جنگی طیارے ، مسلح ڈرون اور آرٹلری  شامل ہے۔

محکمہ خارجہ کے ترجمان نے کہا کہ بائیڈن انتظامیہ  اسلحہ کی فروخت پر متحدہ عرب امارات کے ساتھ مل کر کام کرے گی ، لیکن اسلحہ کے استعمال سے متعلق متحدہ عرب امارات کے عہدیداروں سے مشاورت کر رہے ہیں ۔

ٹرمپ انتظامیہ نے نومبر میں کانگریس کو بتایا تھا کہ اس نے اسرائیل کے ساتھ تعلقات کی بحالی کے لئے متحدہ عرب امارات کو امریکی ہتھیاروں کی فراہمی کی منظوری دے  دی ہے۔ جو خلیجی ملک کی جانب سے اسرائیل سے تعلقات بحال کرنے کے " ابراہام اکارڈ"  کا حصہ ہے۔

ٹرمپ انتظامیہ کے آخری مہینوں میں ، اسرائیل نے متحدہ عرب امارات ، بحرین ، سوڈان اور مراکش کے ساتھ معاہدے کیے تھے۔

امارات اور امریکہ کے درمیان 23 ارب 37 کروڑ ڈالر اسلحے کے معاہدے میں 50 ایف 35 جنگی طیارے اور 18 ڈرون کے علاوہ فضا سے فضا اور فضا سے زمین پر مار کرنے والے میزائل شامل ہیں۔

امریکہ میں متحدہ عرب امارات کو دینے کے لیے اسلحہ امریکی کمپنیاں جنرل اٹامکس، لاکہیڈ مارٹن کارپوریشن اورریتھیون ٹیکنالجیز کارپوریشن تیار کریں گی۔

Advertisement
رجحانات
Advertisement